唔係淨係《Overcooked 2》嘅!聖誕Party必玩10款Switch遊戲

唔係淨係《Overcooked 2》嘅!聖誕Party必玩10款Switch遊戲

聖誕節除咗食大餐之外,當然唔少得約埋一班朋友一齊開Party!開Party當然要玩遊戲炒熱氣氛,以下編輯部精選了10款Switch遊戲,當中包括:經典遊戲Overcooked!及一些適合多人玩的遊戲,方便大家在聖誕節與朋友一起狂歡!即看以下10款Switch遊戲。

撰文:eunice|圖片:Nintendo @ Youtube|編輯:乖乖l(原文刊於新假期

聖誕Party必玩10款Switch遊戲

1. Super Mario Party

提起Switch,又點可以唔提起Super Mario Party。早前推出的Super Mario Party,有超過80多款的小遊戲,當中包括:划艇遊戲、大富翁遊戲、盃賽戰做主軸串連,Super Mario Party將會透過小遊戲運動會 、大富翁桌上遊戲及街機划艇遊戲來分出誰是最後贏家。Super Mario Party的遊戲模式有:4人合作模式、2人合作模式及4人對戰的模式,變化頗多,相信各位玩家唔會覺得悶。

提起Switch,當然要必玩Super Mario Party 遊戲。
而且有超過80款遊戲,保證有一個啱朋友玩。
遊戲夠晒多元化,有合作遊戲,亦有Battle類遊戲,方便一大班朋友開P玩。

2. Just Dance

想多啲郁動嘅朋友,相信一定會喜歡Just Dance這款遊戲。最新版本的Just Dance為大家帶來40首新歌,當然少不了大量的歐美歌曲,還有韓國歌曲如BIGBANG 的《Bang Bang Bang》,開Party時可以同朋友一齊載歌載舞,夠熱鬧。

玩Just Dance 2019保證無冷場。
各位玩家可以一起跳舞,分出高下。
表現好,更會有Perfect字眼。

3.Nippon Marathon

陸續有來的動作遊戲還有Nippon Marathon。這款遊戲不是普通的馬拉松,而是玩家在遊戲的過程中會遇到搞笑的障礙物,如油桶、柴枝及水果等,玩家想贏就要想盡辦法,避開障礙跑到終點。咁特別嘅遊戲,相信同朋友一齊玩,會大放笑彈!

Nippon Marathon是非一般的跑步遊戲,風格既搞笑,而且遊戲過程又多變,絕對不會悶親大家。
以為遊戲就咁跑步?少年,你太年輕了!

 

在遊戲的過程中,玩家需要跨越多個障礙。

沿途亦有意想不到的障礙物,例如:滾桶。

4.Carnival Games

Carnival Games以嘉年華的遊戲為主要題材,內含20款經典遊戲,例如:宇宙保齡球、套圈圈、及投籃遊戲等,仿如置身在AIA嘉年華中。

Carnival Games就比較多小遊戲。
一些嘉年華的經典小遊戲,都可以在Carnival Games中玩到。
AIA歐陸嘉年華亦有相類似的遊戲,不用外出都可以玩到嘉年華的遊戲。

5. Overcooked! 2

相信各位Switch玩家都對Overcooked!不會陌生,新作就繼續沿用合作「煮飯仔」的模式,並加入多款新地圖及廚師,難度升級。Overcooked! 2比舊作更講求大家的默契和合作,希望大家開Party唔會玩到鬧交!

Overcooked 2提高了難度,各位朋友準備好在Party中大吵大鬧未呢?
Overcooked 2增加了多款地圖,相信會考起手腳不協調的朋友。

6.Super Bomberman R

呢款遊戲夠刺激!Super Bomberman R有一人遊戲模式,亦有多人對戰模式。玩家可以同時在場地進行大混戰,最多可以有8位玩家同時參與,最適合開Party同朋友一齊玩。

Super Bomberman R最刺激!
玩家可以進行大混戰,將對手炸死。

7.Stikbold! A Dodgeball Adventure

喜歡刺激遊戲的朋友亦可以玩埋Stikbold! A Dodgeball Adventure。這款遊戲以閃避球為題材,玩家要接球並擊中對手,能留守到最後才算勝利。雖然看似簡單,但其實在遊戲過程中,玩家除了要閃避皮球之外,亦要閃避中途亂入的車輛,亦唔係咁簡單㗎葉師傅!

以為就咁避開個波,你錯了!
在遊戲過程途中,會有車輛亂入,玩家隨時會被車車死。

8.Nine Parchments

Nine Parchments屬RPG遊戲,遊戲以多人合作闖關為主,玩家可以扮演實習魔法師,遊戲中可以自訂武器裝備與技能,好啱同朋友一齊挑戰!

Nine Parchments屬於闖關遊戲。
轟呀!玩家可以在場地進行大混戰,隨時將對手炸個稀巴爛。

9.Party Arcade

Party Arcade有多款球類的小遊戲,例如:空中曲棍球和籃球投籃等球類小遊戲,可以同朋友喺Party大顯身手。

Party Arcade與Carnival Games一樣,比較多小遊戲。
例如:老虎機等輕鬆少少的小遊戲。
亦有飛鏢的遊戲,可以考考大家的眼界。

10. Go Vacation

Go Vacation遊戲以小島度假為設計藍本,玩家可以體驗超過50款自由探索及小遊戲,包括騎馬、越野飛車、雪上電單車到滑水等。雖然暫時未可以請到假,但都可以同朋友開Party時享受陽光與海灘。

假如大家聖誕節未能外遊,不妨玩Go Vacation望梅止渴吧。
雖然香港無得落雪,但玩住Go Vacation止下癮先。

YOU MAY ALSO LIKE ...