「我去嚟做乜啫？」 張衞健唔睇重獎項寧贏口碑
撰文：東方新地 ｜圖片：東星、東方新地｜編輯：異種火星人 （原文刊於東方新地）
張衞健缺席頒獎禮兼失落視帝
《大帥哥》一劇而家熱播梗，喺《萬千星輝頒獎典禮2018》入面總共9個提名，好可惜一個獎都拎唔到，頒獎禮當晚就連張衞健都無出席，不過就唔係唔得閒咁簡單喎！
噚日張衞健出席汪明荃新節目《阿姐有乜未見過》錄影，隨後接受傳媒訪問問佢點解唔出去頒獎禮，Dicky就話：「唔使啦，我嚟做咩姐？正經講一直以嚟只係一心一意想將戲演好，咁多年以嚟未攞過一個有關演戲嘅獎項，認為自己只係希望可以得到觀眾嘅心。我認為人生可以渺小，但唔可以虛度，角色可以戲少，但唔可以Hea做，呢個係我多年由細到大嘅宗旨。」
《大帥哥》喺頒獎禮上拎唔到獎，特別係蔡思貝、楊秀惠等人都戥Dicky失視帝唔抵。Dicky就話後輩們感觸大，同時恭喜馬德鐘拎視帝。
張衞健拍蔡思貝籮柚:「好緊緻！」
離開大台22年再回巢的張衞健（Dicky）為無綫拍攝劇集《大帥哥》，實情當是大台生日禮物。12月3號播出第一集，Dicky在劇中大爆多句經典金句，好像「涼風有信，秋月無邊」和「型到噴汁」（原為型到跌渣）等。
Dicky固然是《大帥哥》的男主角，而女主角則由蔡思貝擔演，不過網民就擔心一樣沒有甚麼觀眾緣的蔡思貝會拖挎劇集收視。
昨晚播出第一集，劇情緊湊之餘又多搞笑位，而驚喜位相信是Dicky跟思貝的對手戲。昨晚劇情講述Dicky授權扮演大帥蒙大同三天，而革命黨成員蔡思貝與隊員行刺蒙大同，不過誤以為Dicky就是真實的大帥。
二人在花園「談心」一番後就回到大帥房間，在房間內共舞的同時，蔡思貝伺機刺殺Dicky。
不過男主角又怎會輕易第一集就被殺，Dicky當然知道蔡思貝有目的。
Dicky一個反手將蔡思貝鎖在背後，此時用手拍了思貝幾下屁股，並稱：「有做運動喎！幾緊緻啊！」
不過最後張衞健都放走革命黨成員，因此與兄弟們洪永城、徐榮及李嘉就被真正的大帥蒙大同困進監牢，未知之後劇情會發展成怎樣呢？
張衞健蝕住回巢淪為炮灰
96年拍完無綫劇《西遊記》爆紅的張衞健，離巢返內地狂賺人仔，直至上年，曾勵珍親自三顧草廬，成功打動張衞健不計酬勞回歸幫娘家再拍劇。據知情者透露：「珍姐當時搵Dicky，講明想佢幫無綫50周年台慶造勢，不過上年套劇拍完已經九月， 仲要做好多後期製作趕唔切，最後做唔成無綫50周年台慶劇，拍好咗成年都未播。」
被照肺多次
去到最後，無綫今年三大台慶劇分別為《跳躍生命線》、《是咁的， 法官閣下》及《兄弟》，《大帥哥》慘被飛出局。據知無綫突然變陣，全因不滿劇中女一、近期黐親佢都冇好嘢的姣精蔡思貝，認為她形象差人氣大跌，怕她拖累收視。
盤點張衞健歷年經典劇集
1.西遊記（1996）
1996年11月，張衛健演出劇集《西遊記》於無綫播出，他飾演主角「孫悟空」入型入格，有着生鬼的演繹，加上金句如「我係花果山水濂洞美猴王齊天大聖孫悟空。」﹑「Yo！打妖精！使乜驚啊！」等都琅琅上口，絕對是大眾回憶。呢套劇絕對係張衛健事業上的高峰，被無綫重播五次之多！
曾被香港製作人睇死
《西遊記》大紅大紫，令無綫想開拍《西遊記》續集，但張衛健因片酬問題，與無綫出現分歧，更被香港製作人睇死：「不要以為你演了猴子就了不起，無毛你是不值錢的」。張衛健當時決定離巢，轉投台灣製作人門下，與孫悟空一角無緣。後來在《西遊記》續集中，孫悟空一角改為陳浩民演出，但受到大眾的爭議，可見張衛健飾演的孫悟空絕對係經典，無人可取代。
2.少年英雄方世玉（1999）
1999年，張衛健在內地劇《少年英雄方世玉》表現出色，成功翻身，好評甚多。劇中，飾演方世玉的張衛健和飾演辣媽苗翠花的恬妞，默契十足，搞笑母子的組合得到不少觀眾的青睞，令觀衆笑聲連連。當年張衛健唇紅齒白，「小鮮肉」形象深入民心。
3.小寶與康熙（2001）
內地劇《小寶與康熙》於2001年開播。《小寶與康熙》由《鹿鼎記》改編，張衛健以一貫多口頭禪的作風來飾演韋小寶，令觀眾十分受落。他在劇中吟詩作舉，例牌講出 「涼風有信 ，秋月無邊， 虧我思嬌嘅情緒好比度日如年。 雖則我唔係玉樹臨風 ， 瀟灑倜儻 ， 但我有廣闊嘅胸襟 加強勁嘅臂彎」撩女仔。張衛健精湛的演技演活韋小寶，怪不得劇入面咁多美女陪伴，劇外又咁有觀眾緣啦！
4.少年張三豐（2001）
2001年的《少年張三豐》亦大受歡迎，其出色表現更被同劇演員李冰冰稱讚，評價為「文武雙全的好演員」！睇嚟大家都認同佢係一個實力派演員！《少年張三豐》令飾演張三豐的張衛健躍升為內地一線小生，每集片酬高達10萬元人民幣！在《少年張三豐》一劇播出後， 張衛健的薪酬極高，成爲電視劇一哥，在内地知名度亦響噹噹，幾年前片酬原來已經高達每集60萬！
5.功夫足球（2004）
《功夫足球》在2004年開播。《功夫足球》一劇，是由寰宇的M8投資三千萬開拍 ，張衛健飾演熱愛足球及功夫的唐小順，與吳君如飾演的武功高強姐姐相依為命。及後唐小順攜好友憑毅力獲勝，搞笑無厘頭之餘，不失勵志故事的風采。《功夫足球》由容祖兒、黃秋生、TWINS等主演，粒粒巨星，令《功夫足球》得到不少關注。
