《匆匆那年》又嚟那些年

《匆匆那年》又嚟那些年

無論九把刀嘅《那些年,我們一起追的女孩》還是趙薇嘅《致我們終將逝去的青春》,呢類將8、90後兩代年輕人經歷過嘅青春時期搬上大銀幕嘅電影,往往因為共鳴嘅關係而票房大收。

而今次台灣上位男神彭于晏,喺同樣講青春、回憶話題嘅新戲《匆匆那年》中,伙拍內地氣質女星倪妮,再度向青春致敬……可能近年睇開彭于晏嘅電影,都係成熟硬朗型,已30有2嘅佢突然扮演中學生,唔知大家接唔接受到?

text-aMan

open_resize

彭于晏:「我乜都演。」

改編自作家九夜茴大受歡迎嘅小說,亦曾被改編成連續劇,今次電影版搵嚟擅於拍愛情片嘅張一白(《一生一世》監製)執導,搵嚟因《黃飛鴻之英雄有夢》之喺內地爆紅嘅彭于晏同倪妮,上演一場自中學起經歷咗15年刻骨銘心嘅青春時光……簡單咁講就係一班讀書好freind嘅朋友,中間經歷咗啲誤會而分開,跟住穿插1條彭于晏同倪妮嘅感情線,雖然來來去去都離唔開呢啲套路,但偏偏電影喺內地上映兩星期,已勁收7億,就算劇橋舊,有人受就得啦!

近年工作做到冇停手嘅彭于晏,電影1部接1部,由台灣嘅《愛Love》戰到香港,《激戰》幫佢喺香港打穩地基之後,再有《分手合約》、《黃飛鴻之英雄有夢》打入內地市場,雖然任何種類嘅電影都拍,但總係肌肉型男、靚仔小生呢啲角色,所以佢話:「無論性格陰沉,甚至破壞身型要演肥仔嘅角色都OK!其實我嘅外型一直都係按照角色需要,剃頭、被打臉、打歪嗰鼻、口腫面腫,我都唔介意。」

YOU MAY ALSO LIKE ...