Comme Des Garcons Water!

Comme Des Garcons Water!

【Trend’s Like Wind by杜如風】早前小妹去了京都和大阪旅行,京都的風景和保存得非常完善的廟宇,實在令人歎為觀止,再加上地道美食,簡直是人間仙境!我們去的幾天,剛巧遇着落大雪,嘩!更顯浪漫!這次是即興旅行,阿樂說他請了假,而咁啱我又有期,大家都想去京都,便爽快地一行5人遊樂!

這次旅行很特別,就是我完全不需要做導遊,因為阿樂在出發前已經問朋友做好資料搜集,所以我只是跟着走,便可以享受這個假期!阿樂非常照顧大家,他先定下schedule,帶我們去觀賞寺廟,然後上車(佢做埋司機),緊接就美食當前了!真感謝他讓我過了個不用做帶隊的快樂旅行!

我們5日行程的最後1天,在大阪shopping,那天我還比他早起,嚷着:「快啲啦樂樂,要行喇!」「吖!你個死妹釘吖!之前喺京都就朝朝等你至少1粒鐘,而家一有嘢買就晨咁早咁精神呀?」

結果,他一早車了我去Comme Des Garcons的總壇(我們是自駕遊的)。然後就drop off我去「放血式自殺」,而他們4人就去找東西吃(他知道我有衫買是不會肚餓的)!當他們吃過了午飯後回來找我時:「戰績如何呀?」「OK啦,我買到個店員送咗3支由Comme同一啲出名嘅graphic designers crossover嘅水俾我呀!非賣品嚟架!」

YOU MAY ALSO LIKE ...