網民發現原來《大帥哥》係Keroro真人版!性格人名都似到十足!

電視

廣告

TVB近期熱播緊嘅《大帥哥》搵嚟闊別無綫二十多年嘅張衛健做男主角,第一集張衛健已經大爆金句,引嚟唔少網民討論同追睇!

撰文:我老闆|圖片:TVB、電視截圖|編輯:乖乖l

眼利嘅巴打就發現原來《大帥哥》係Keroro軍曹真人版!雖然兩套係完全唔同嘅劇,但巴打就發現兩者之間都有好多相同的地方!

巴打指出無論係人物名字、角色性格、背景都好相似!兩套劇都為以軍人作角色背景,張衛健同軍曹都有4個部下,而佢哋嘅名同性格都同Keroro軍曹一樣!一對比,就發現佢哋個名嘅發音又真係好相近!

唔單止名似,就連性格都一樣樣!由洪永城飾演嘅馬炭好聽大哥狄奇嘅指令,亦都好依賴佢,簡直係同TAMAMA一樣!而李嘉飾演嘅冬來就好似DORORO,有自己嘅世界,有時會消失唔知去咗邊!

個Post一出,就有好多網民留言,唔少巴打都贊同樓主嘅講法!

樓主嘅想像存簡直係世界級!巴打都話:一言驚醒洛克人!

巧合同相似程度高到,你話無參考都唔信啊!