【聖誕禮物男朋友篇】PlayStation Classic正式開售!(內含開箱試玩片+5隻必玩Game推介)

遊戲動漫

廣告

臨近聖誕節,如果你嘅另一半係鍾意打機的話送PlayStation Classic做聖誕禮物就啱哂喇!12月3日正式開賣的PS Classic係PS1的迷你復刻版,收錄了20款經典遊戲,絕對係不少男生的童年回憶。聖誕節如果唔想出街同人迫,不妨留喺屋企一齊打吓機,度過一個甜蜜又溫馨嘅聖誕啦!

撰文:隆仔|編輯:Bonnie|攝影:Scott|圖片來源:PlayStation、Youtube

PlayStation Classic帶你回到PS1的那些年

Sony今次推出的PlayStation Classic是向經典主機PS1致敬,所以由包裝、手掣到主機都是參照PS1的設計,堪稱是迷你復刻版,讓一眾機迷回味童年打機的美好日子,男朋友收到呢份聖誕禮物一定好滾動呀!

Playstation Classic雖小 五臟俱全

聖誕節最怕收到大份兼唔實用的禮物,而PlayStation Classic就可以滿足哂輕巧又啱玩的願望!Classic機身比初代PS細45%,重量更輕了80%,細細部就唔怕屋企無位擺啦!

雖然Playstation Classic機身縮小了,但details一點也不減,所有按鈕、Logo、甚至Save卡位都有,但碟盤並不可以打開,Save卡位也只作裝飾。不過同PS1仍然非常相似,都算係誠意之作!

全新推出的PlayStation Classic並不需要用火牛接駁電力,改由Micro USB傳送,玩家只要插上普通USB充電頭就玩得。而官方亦示範咗用外置流動充電器也足而推動Classic,方便大家幾時玩都得!

包裝內附送的2個手掣大小沒有變,手感也是和從前一樣,仲要係最經典嘅灰色!值得留意嘅係插頭位變成了USB,和初代的PS不同。記住!PS4嘅手掣係不適用於PlayStation Classic㗎!

呢個童年時代嘅回憶絕對係一份高質素的聖誕禮物!要買趁手喇!

PlayStation Classic香港購買詳情

日期:2018/12/03(一) – 2019/1/1(二)

地點:旺角家樂坊20樓PlayStation期間限定店

時間:中午12時至晚上10時

建議零售價:$798

(每日名額15個,售完即止。)

同場加映!PlayStation Classic開箱試玩片

機迷留意!PlayStation Classic 5大必玩經典遊戲

打機最重要嘅係咩?係啲Game呀!PlayStation Classic收錄了20款經典熱門遊戲,要注意美版Classic會收錄美版獨有的遊戲,如GTA等,日版獨有Metal Gear Solid等。Classic內的全部遊戲都是4:3畫面,雖然不可放大成全螢幕,但呢一切都係滿滿的童年回憶呀!以下就為大家介紹其中5隻唔玩會走寶嘅經典Game。

1.R4 RIDGE RACER TYPE 4

首次使玩家在電視遊戲中驅車在公路馳騁,相信非此遊戲莫屬,雖車款及賽道不多,但依舊在當時使不少車迷相當享受。印上R4標誌嘅黃色跑車喺公路上完美飄移,深信各位車迷一定都歷歷在目!

2. BIO HAZARD DIRECTOR’S CUT

Bio Hazard系列首款電視遊戲,相信是不少玩家惡夢的源頭之一,系列至今人氣仍然高企,可想而知恐怖的魅力有多大!曾幾何時大家都畀一開門就彈出嚟嘅喪屍嚇親,愈驚就愈要玩,不知不覺就爆機了。

3.FINAL FANTASY VII

講到RPG,不得不提FINAL FANTASY VII。作為神級RPG之一,自推出以來反應一直熱烈,當中所塑造的世界觀更是令玩家難忘,從而衍生出各類影視作品,至今亦令人難以忘記。

4. Super Puzzle Fighter IIX

講到打機無人不識《街霸》,Super Puzzle Fighter IIX雖為消除方塊遊戲,但以《街霸》主題包裝使玩家感到非常新穎,成功消除指定方塊更可以觸發角色的技能。

5.Tekken 3

Tekken 3是打鬥遊戲龍頭之一,採用了3D格鬥畫面,除了有大量角色供選用外,其多變而華麗的招式也是吸引玩家的地方之一,及後更有一系列《鐵拳》遊戲,是極具人氣的打鬥遊戲。