馮盈盈真空超吸睛 盤點5位港女星真空透視造型

流行娛樂

廣告

馮盈盈(FYY)向來言行大膽,台慶當晚她更以全真空上陣,獵殺到不少媒體的鏡頭,成為全場焦點。然而,曾經有不少的港女星都試過為了吸引大眾眼球,而穿著得性感又得體,現就同大家一齊看看女星們的真空透視造型。

撰文:東方新地|圖片來源:IG、東方新地、Facebook|編輯:異種火星人 (原文刊於東方新地

馮盈盈真空超吸睛 盤點5位港女星真空透視造型

每年台慶,大家最關注都係一眾女星喺紅地氈上鬥靚鬥性感,而今年全場最性感就一定非馮盈盈莫屬,條裙側邊睇落完全真空,噴血程度冠絕眾女藝人!馮盈盈仲透露為咗美感同線條,連條底褲都除咗,堅係全真空!

 

 

 

原來係老友麥明詩提議…

原來馮盈盈試衫時,麥明詩覺得有條底褲太礙眼,所以盈盈最後決定除咗佢!盈盈又話男友見到都呆咗,話著到咁會引人遐想。

 

 

FYY MMC又嚟料

大家都知馮盈盈及麥明詩呢兩位港姐冠軍言論夠晒出位,今日麥明詩就喺IG分享一張與盈盈的合照,相中可見兩人企到好埋幾乎係胸貼胸,麥明詩就留言講番當時的真實對白:「記者:企埋啲喇;fyy&mmc:哎呀頂住咗添」點夠你哋玩呀?

 

#我唔悶你都悶啦

 

同淘寶「小姐」服裝撞款?

其實馮盈盈之前都預告過台慶會隆重其事,條裙係由以色列運到港,仲係一個大品牌,「好多人爭呢條裙!」不過有網民就喺淘寶網發現咗類似款式的裙,介紹仲話係「酒店夜總會小姐工作服」……

 

 

5位港女星真空透視造型

Janice Man「半裸」現身金像獎

不過講到真空唔著底褲行紅地氈,相信唔少人都會諗起另一索女Janice Man(文詠珊)!2016年金像獎頒獎禮當晚,有份角逐最佳女配角的Janice Man身穿極性感黑色Versus Versace晚裝,大露背之餘亦露出整條美腿,右側睇幾乎係半裸咁滯!

 

 

 

 

 

第二年玩透視誘惑

之後一年Janice Man亦有出席金像獎頒獎禮,透視誘惑索到爆,騷玉背晒長腿,不過比起前一年已經算多咗好多布啦!

 

 

 

 

周汶錡 仙氣名模盡騷身材

2014年「 時裝.視野時裝秀及頒獎禮」酒會活動上,名模周汶錡就曾穿上一條黑色抹胸裝短裙,右邊條子露肉的設計性感誘人,更顯得周汶錡身材出眾,加上名模獨有的高貴氣質,成個造型簡直一流!

 

 

 

金像獎真空出「股」惑

之後去到2017年金像獎,大會「最佳衣著」評審周汶錡以一襲華麗透視長裙真空現身,大晒美臀及長腿,仲有個超級大露背,無論正面、側面及背面都係咁吸睛!難怪當時記者都話佢應該將「最佳衣著」獎頒畀自己。雖然去到最後,周汶錡選出的得獎者係林嘉欣。

 

 

 

 

 

 

G.E.M. 鄧紫棋 突然變高妹

原來仲有佢!阿G.E.M.(鄧紫棋) 曾幾何時被視為「時裝車禍」,衣著品味外人真係難以理解,不過近年已經好番好多,G.E.M. 今年初出席內地歌唱節目時,著上一條黑色高衩貼身裙,裙款同上文三位靚女著的有幾分似,當時又係被指冇著底褲!

 

 

驚嚇毛毛蟲透視

 

 

黃心穎去年台慶真空露線

其實黃心穎早在去年台慶便以透視造型亮相,簡單獨特的圖案剛好遮掩重要部位,但深深的「事業線」卻顯露無遺,非常性感。
 

 

 

 

 

 

鍾嘉欣透視露黑bra

在2015年時,鍾嘉欣以一身黑網透視的長裙,將內衣完全展露出來,引得全場嘩然。