「我就是IG紅人」 汪明荃潮創「汪阿Tag」全城爭學

流行娛樂

廣告

不少藝人都有開設Instagram帳號,就連圈中地位超然的汪明荃(阿姐)都在上個月初開AC,實行跟上時代潮流,不過阿姐玩社交網又怎會咁平凡,所以她棄用一般IG的Tag人方式,改用直接寫人名的方式來Tag人,極具創意,引得一眾明星 藝人,網友紛紛都爭著學「汪阿Tag」,難怪阿姐都話自己係IG紅人啦!

撰文:東方新地|圖片來源:汪明荃IG、群星IG、馬國明微博|編輯:異種火星人 (原文刊於東方新地

「我就是IG紅人」 汪明荃潮創「汪阿Tag」全城爭學

71歲阿姐汪明荃勤力玩IG

阿姐汪明荃出名勤力,連玩IG出post都勤力過人,短短41日已經出咗58個post,分享大量靚相及生活照,粉絲們一定好滿意啦!IG功能多多,但就唔係每個人都可以靈活運用,不如學吓以下阿姐呢個新玩法啦!

自創潮爆Tag人方法

話說阿姐日前出席保良局盆菜宴活動,喺IG分享大批合照,當然就要順便Tag返相中人啦。不過重點來了,阿姐唔係用平時IG內置的Tag功能,而係手寫Tag人,直接喺張相上揮筆寫大家個名!藝人如朱咪咪、區瑞強、蔡康年等大家都識啦,不過一班高官總理大家就未必熟悉,所以阿姐細心地寫埋頭銜,真係高招!

 

 

 

 

明星藝人都跟風!

眼見阿姐開創新潮流,一樣夠樣的《#後生仔傾吓偈》主持陸浩明及麥明詩馬上跟風,喺合照中手寫Tag人,麥明詩留言:「台慶綵排,Liza姐教我哋tag相新方法 係愛嘅tag法!」,除了陸浩明及麥明詩外,有不少的明星藝人都紛紛跟上潮流。

 

DO姐都玩埋一份!

 

 

 

 

「天然呆」真係好可愛 馬國明玩微博自製「紅V」

其實除左阿姐玩得夠潮之外,就連一向絕緣社交平台的馬國明,上月都終於開了微博帳號!馬明開通微博後似乎上晒癮,幾乎日日都更新微博,不過第一張相就唔見女友黃心穎~

 

 

 

V認証來了

話晒初踏入微博的世界,馬國明可能未熟悉微博操作,至今仍未得到「紅V」字新浪認證,所以網民紛紛留言提醒佢,於是馬明就擺出V字手勢自拍出post回應:「看見很多評論……都說想要認証……好啦好啦……V認証來了…yeah…」

 

馬明真係好可愛……

馬明的幽默感真係唔講得笑,雖然未獲「紅V」字新浪認證,但佢竟然諗到一條絕世好橋,就係每張相都加個自家製紅V,連頭象圖片都加埋!網民都想問馬明真係好可愛……