智雯Ali人氣直迫瑋哥 全面分析7位準視后走勢

流行娛樂

廣告

來到11月,又是競猜誰是視帝視后的時候,每年視后的都是眾人的話題,今年亦不例外,而下周一就是無綫「50+1」的台慶夜,當晚會率先公布星馬視帝和視后,而香港則要留到12月中才會公布,現就同大家一齊分析7位準視后的走勢吧!

撰文:東方新地|圖片來源:眾女星IG|編輯:異種火星人 (原文刊於東方新地

智雯Ali人氣直迫瑋哥 全面分析7位準視后走勢

1. 陳煒

今日大熱必定係陳煒,2012年由亞視轉去TVB後都有不少演出。今年憑劇集《果欄中的江湖大嫂》「李夢露」一角,演繹出外表剛強內心柔弱的果欄欄主,一腳踢打理果欄,對抗反對她的其他欄主。

 

 

2018年都可以話係陳煒最豐收嘅一年,除咗《果欄》做女主角之外,亦都憑住《宮心計2之深宮計》奸險霸道的太平公主角色,成功令觀眾憎到佢入心入肺。而太平公主呢個角色面對住駙馬藏著內疚感,真係少啲內心戲都唔得。

 

 

 

2. 李佳芯

李佳芯(Ali)最能夠吸引男觀眾,Ali五官標緻,經常喺IG 發布自拍派福利。角色方面,不論做新手媽媽定係性感法官都得。今年就憑住一套令新手媽媽爸爸、奶奶都有共鳴嘅《BB來了》成功入圍競逐視后。而《BB來了》亦係2018年最高收視劇集三甲。

 

 

 

對比起陳煒,Ali演技就未太爐火純青,劇集咁高收視好大機會都係因為吸引咗一班媽咪收睇。

 

 

 

3.黃智雯

被指係今年黑馬嘅黃智雯憑《三個女人一個因》,飾演一個人格分裂嘅角色,可以話係獨腳戲咁滯。黃智雯憑住呢獄劇亦大受網民肯定,而演技都確實係大有進步。相信今年同陳煒有機會較量嘅就只有佢。

 

 

 

 

 

 

4.蘇玉華

蘇玉華演技好就唔使多講啦,今年佢憑《平安谷之詭谷傳說》入圍,可惜呢套劇收視麻麻兼且年頭已經播出,真係唔提返都未必有人記得。不過蘇玉華對於電視台女主角獎或者唔會有太大競爭慾望,畢竟佢最主要都係舞台劇演出。

 

 

5. 朱晨麗

朱晨麗喺《特技人》係第一次擔任女主角,去年憑《超時空男臣》奪得最佳女配角時被部分網民批評演技唔掂,完全唔配拎獎。短短一年間,雖然朱晨麗演技有明顯進步,咬字都清晰咗,只可惜今年競爭激烈,由於煒哥坐陣,朱晨麗都未必有機會拎獎喇!

 

 

 

 

 

6. 楊怡

劇集《再創世紀》入面,楊怡飾演一個用手段上位但係都有愧疚心嘅女強人,同其他人喺商場上爭奪全港第一富豪。不過劇集收視認真麻麻,相信都影響到楊怡奪后機會。

 

 

7.林淑敏

林淑敏喺《愛·回家之開心速遞》大小姐一角入晒屋,上年台慶只係提名到最佳女配角獎項,引來大批網民反對,認為大小姐先係佢哋心目中嘅女主角。今年大小姐終於有份入圍最佳女主角,相信係TVB對佢嘅一個肯定。不過相比起大熱陳煒嚟講,大小姐演技似乎未追得上。

 

 

李佳芯21歲制服模特片曝光?

近日有網民喺YouTube頻道分享2003年Ali模特兒時的珍貴影片,當時嘅李佳芯仍是青春少艾只得21歲,照片中見到佢係有少少baby fat。可能當時佢仲細個,未識化妝…詳情請看

李佳芯飛甩初戀男友原因為何?

李佳芯即自爆20歲的初戀經歷最辛苦:「試過有次同佢出街,香港細容易同人擦肩而過,佢會鬧人『你做乜撞我?做乜掂我?』後來我先發覺佢有少少躁狂,我嗰時…詳情請看