《跳躍生命線》「雄姐」殉職唔係意外? 張彥博入行13年演藝事業顛簸

電視

廣告

無綫台慶劇集跳躍生命線》差不多接近尾聲,自上星期「雄姐」殉職後,不少港劇迷紛紛表示傷心難過,但原來編審早已決定「雄姐」要在無先兆下死,從而帶出劇集的無常,其實又豈止劇集無常,飾演「雄姐」的張彥博入行13年來,由組合出道至投考藝員訓練班,成為演員,他的演藝事業可謂十分顛簸。
撰文:東方新地|圖片來源:影片截圖、東方新地|編輯:異種火星人 (原文刊於東方新地

《跳躍生命線》「雄姐」殉職唔係意外? 張彥博入行13年演藝事業顛簸

《跳躍》雄姐殉職原來有寓意

《跳躍生命線》中,張彥博飾演嘅雄姐係全劇最受歡迎人物之一,因其性格溫柔體貼、單純天真,因此喺劇中非常討人歡喜!

 

可惜雄姐呢個角色喺上星期五嗰集,因接報到唐樓單位出勤時,房間地板突然坍塌,雄姐最後墮樓,並送上救護車趕往醫院搶救,何廣沛一邊用盡全力為好友兼同袍雄姐做心肺復甦,一邊大叫:「雄姐醒啊!」,聽到觀眾心都酸埋。

 

最後,雄姐宣告死亡,原本以為搶救一輪後會有個醫生走出嚟搖頭話:「對唔住,我哋盡咗力。」,不過今次無綫似乎有別於一向做法,捨棄舊有模式,反而以新聞報導手法報導雄姐殉職。

 

與此同時,劇集更安排雄姐暗戀對象李靖筠含淚彈結他,一幕幕回憶重現觀眾眼前,讓觀眾從入學堂開始到出班一同回顧雄姐點滴,的確更為賺人熱淚!

 

另外,最以諗唔到嘅係連劇名及片尾曲都由平日嘅彩色轉成黑白,再配合雄姐講出:「咁多位兄弟,我落更先啦,Good Day!」,成個效果極為煽情,同時亦為雄姐呢個角色嘅一生畫上完美句號。

 

 

一早埋下死亡伏線?!

可能唔少人對於雄姐明明係個好人,但都要安排佢喺劇中死去而感到傷心及不解。不過,據知雄姐喺劇中嘅其中一個使命,就是為身邊各人帶出更好嘅自已,例如第三集張彥博與何廣沛嘅相遇係有原因,因為雄姐要幫兄弟何廣沛及郭子豪和解。
 

 

 

另外,劇中馬德鐘不時會講救護員最無奈係遇上「無常」與「意外」,事實上無論好人定壞人都難逃命運嘅安排,因為呢啲就係無常,一切都係突然而來,人亦難以控制或改變。
 

 

雄姐於劇中一向嘅感覺係充滿正能量,而佢嘅死令觀眾傷心,但亦更加為劇集帶出「無常,就是救護員的日常」嘅主題,所以雄姐要喺最毫無先兆下,最突然同被認為最唔應該死亡嘅時刻就走。因此,如編審冼翠貞所指:「雄姐嘅死係必然,唔係為死而死!」。

 

 

《跳躍生命線》眾人手執白玫瑰浩園哀悼雄姐

今晚就會講到大家全黑上陣,手執白玫瑰喺浩園對住個墓碑哀悼雄姐,甚而連消防及救護學院方Sir(冼灝英飾)亦在場。

 

 

張彥博入行13年辛酸史

張彥博在大台劇《跳躍生命線》飾演救護員「雄姐」呂劍雄,故事講佢同何廣沛、郭子豪等一齊教入消防處做救護訓練員,當中經歷好多困難,最終成功畢業,而張彥博穿起西裝面試,成個𡃁仔咁!
 

 

 

 

 

曾組band後解散

38歲的張彥博天生一副童顏baby face,被指激似小豬羅志祥,05年以樂隊《赤子》成員身份出道,隊員包括同馮嘉輝、伍德耀,可惜4年後樂隊無聲無色解散!

 

 

 

後來張彥博與Boy’z成員張致恆(Steven)孖住玩音樂,不時為教會出騷,更識到王祖藍、鍾舒漫、馮允謙等教友。
 

 

同克勤合唱

阿博熱愛音樂,又參加過內地音樂節目,對歌手夢唔死心的他,年前先後參加內地歌唱比賽《聲動亞洲》及《快樂男星》,2012年參加上海東方衛視的歌唱比賽《聲動亞洲》,曾與李克勤合唱〈紅日〉,均未能為他帶來獎項。
 

 

 

加入TVB藝員訓練班

兜兜轉轉,直至14年加入無綫藝員訓練班,同年8月訓練班畢業後,最初被派在十多部劇集中演保鑣、家丁等連名都冇的閒角!
 

 

畢業後的第一套係《老表,你好hea!》夾band,有份同謝安琪同場;《東坡家事》做過歐陽震華個書僮「高貴」,《EU超時任務》同朱千雪做同事,但都是大閒角。
 

 

 

《一屋老友記》晒音樂才華

最終喺2016年憑不老萌樣演活《一屋老友記》廢青細寶殺出血路,劇中講佢讀完大學後乜都唔願做,寧願搞音樂唔正正經經打工!細寶喺劇中原來好有理想,可惜屋企人唔明白,成日鬧佢冇出色,只有依蘭同白樺清楚細寶有幾熱愛音樂,劇中講佢精通結他、彈琴等樂器,阿博可以活用佢喺現實中同樣熱愛音樂,同樣精通以上樂器,絕對唔係揸住支結他做個樣㗎!

 

 

 

 

一時間人氣爆燈,工作排得密麻麻,同時兼顧《一》劇宣傳及新劇《翻生武林》拍攝的他直言「幾日冇瞓」,但回想之前坐冷板,也為了支持自己的音樂路,再辛苦也值得!