【有片】 大馬《古惑仔》結局被河蟹 浩南原來係卧底!

電影

廣告

大家都知道港產片要喺強國上映,必先河蟹,鬼片嘅結局一定係個主角發咗場夢,《無間道》嘅世界係冇壞人嘅!原來港產片喺新加坡馬來西亞上映,都要整個和諧版!有連登巴打開post話:「星馬和諧版《古惑仔》片段,陳浩南入洪興做臥底,山雞最後繩之於法」,完全顛覆咗香港人對《古惑仔》嘅概念,簡直可以當另一套戲嚟睇!

撰文:娛聞樂|圖片:連登、威哥會館YouTube|編輯:乖乖l

【有片】 大馬《古惑仔》結局被河蟹 浩南原來係卧底!

《古惑仔》嘅河蟹版叫做《新警察故事之人在江湖》

當時新、馬兩地嘅電檢唔容許電影入面有壞人,亦唔可以美化黑社會。

陳浩南都要變成警方臥底。

新加坡版嘅影碟封面,將浩南、山雞拎住嘅刀槍全部執走晒!

浩男會同上司講「Yes, sir!」,實在太搞笑了吧?

呢個喺靈堂一幕出現過嘅鬼佬,喺河蟹版入面飾演督察,係陳浩南嘅上司。

成套戲不停加插浩男同上司報告嘅情節。

𡃁坤死咗之後,浩男冇成為銅鑼灣揸fit人,而係返警局領功!

結局係山雞等一眾古惑仔要坐監!

巴打們都覺得「 河蟹版」嘅劇情太犯駁同太搞笑

佢哋個世界冇壞人,得差人咋!

香港有幾多人知道有「河蟹版」嘅存在呢?

啲劇情改到咁,真係笑到痴線!