1985-86年首波換證 不得不知新身分證8大事項

【新智能身分證 換證攻略1】 政府主要官員12.27起開始更換

首階段換證計劃，會根據《2018 年人事登記令》，行政長官、行政會議成員、立法會議員和主要官員亦可選擇於同一階段申領新的身分證，讓入境事務處(入境處)在為全港市民換證前，可因應有關換證流程收到的意見作出檢討和改善。

而入境事務隊成員、警務人員、職級為總勞工督察、高級勞工督察、一級勞工督察或二級勞工督察的公職人員，同樣可於今年12月27日起更換。

【新智能身分證 換證攻略2】34-35歲市民可優先換證

至於1985至1986年出生的市民將可於明年1月21日至3月30日換證。

其他年份出生的市民可根據以下圖表所示時間換證：

全港市民換領身分證計劃

換證計劃時間表 －暫定時間表

【新智能身分證 換證攻略3】點影張靚相先最PERFECT

相信如果上一次拎身分證唔合自己心意嘅你哋，係咪已經開始諗定點影張靚相先最perfect呢？
新一代智能身分證上，相片面積會比現時嘅大三分之一。
唔少人都好注重身分證上相片嘅效果，咁點樣先可以影到一張合心水又合乎要求嘅相呢？
 

【新智能身分證 換證攻略4】影靚相6大注意

入境處助理處長陳天賜較早前出席電視台節目時就曾教大家幾項影新智能身分證要注意事項：

1. 面向鏡頭，表情自然

2. 避免帶很深色嘅眼鏡鏡片、太陽鏡

3. 避免頭髮遮蓋面部或眼睛

4. 濃妝並唔適合，各位女士化番個淡妝就可以啦

5. 衣著方面，穿著有領嘅衫效果會更加好㗎

6. 雖然助理處長表示著有領嘅衫唔係為咗畀大家顯得瘦用，但亦提到因為身分證除咗頭以外，會見到部分上身，所以有衫領勾劃效果會好睇啲。

【新智能身分證 換證攻略5】新智能身分證15年「壽命」

而市民換證時拍照嘅機會會多過一次，所以放心大家可以影到「滿意」為止！

今次換證預會今年12月27日開始，預計2022年完成，需要更換約880萬張，比上一期換證數量多出約200萬張。

新證「壽命」大約十五年，預計換證計劃提供大概216個短期職位。

【新智能身分證 換證攻略6】新智能身分證5個大不同

1.耐用卡身物料

新一代智能身分證轉用聚碳酸不碎膠（Polycarbonate），會更加堅硬同耐用，而且有更好嘅印刷效果。

2.晶片容量更大

晶片容量由現時最大為36KB，增加至80KB，所以可以儲存更高解像度嘅相片同指模，讀取資料數據會更快。

資料保安仲要係雙重加密 ，比現有身分證更有保障。

3.相片更加清晰

新一代智能身分證相片係用優化灰階激光技術蝕刻印製，雖然都係黑白色，但解像度會更高，會更加高清。

對上一次換證時，可以影兩次再揀相，預計今次都有得揀，揀相時記得落足眼力揀張最靚同最啱心水嘅！

4.多重防偽特徵

新身分證會用最新防偽特徵，包括透視窗（See-through window）、新一代全息圖（Hologram Effect）、透鏡狀效果（Lenticular Effect）同堆彩色紫外線圖案（Full-colour UV Image）等。

5.加快過關時間

用新身分證過關時會快咗4秒，由12秒縮短到8秒就過到關。

【新智能身分證 換證攻略7】兩項便利長者措施

今次換證將會推出兩項便利長者嘅措施。

有65歲以上長者嘅家庭，申請人可帶同其1954年或以前出生的親友前往換證中心一起換證，讓這些長者毋須在稍後階段另行在其所屬年齡組別時段前往換證。

而另一個關愛安排，是入境處會為居於住宿院舍的長者及殘疾人士提供到訪換證服務，將於明年第2季推出。

為了更便利居住於住宿院舍的住客，若他們因各種理由而未能透過到訪換證服務或前往換證中心換領，可於換證計劃結束後2個月內前往5個現有的人事登記處辦事處換領。

【新智能身分證 換證攻略8】全港9個換證點 可網上預約及自助填表

為了方便市民換領，入境處於全港共設9個換證中心，分別為港島、九龍西、九龍東、荃灣、屯門、元朗、上水、沙田、將軍澳，由2018年底/19年初起開始運作。

市民屆時可以上網或用App預約時間及預先填寫資料，入境處亦將會設立自助登記站和自助領取證件服務站，方便大家換新身分證。