【新蚊熱話】香港區塊鏈第一人幣少終落網 涉詐騙案被捕!

【新蚊熱話】香港區塊鏈第一人幣少終落網 涉詐騙案被捕!

加密貨幣在金融世界成為一大新趨勢,就算你未必聽過以太幣,都必定有看過關於bitcoin的相關新聞,身邊的朋友更可能是其中一個投資者。近日一名自稱「香港區塊鏈第一人」的幣少,教人玩加密貨幣教到接受TVB節目《東張西望》。由於形象態度囂張跋扈,隨即引嚟網民大起底。

撰文:原文轉載至膠Hub 編輯:酒啊九叔、熱話藍神 圖片:膠Hub

幣少爺涉詐騙案被捕

蒼天有眼,一直用所謂「Fliecon」虛擬貨幣去呃人嘅幣少爺終於喺近日涉嫌詐騙被捕,而佢嘅一名同伴都一齊被捕!佢嘅500萬資金都被凍結,實在係可喜可賀!一班落力狙擊佢嘅連登巴打同網民都開晒香檳慶祝!

佢位於西貢嘅獨立屋同埋荃灣嘅辦公室都被警方封鎖調查,仲搜出大量物證!套用李思捷一句:「幣少爺,你今次仲唔死!?」

而佢隻虛擬貨幣都即刻跳樓式跌到落谷底,跌成61.5%,創歷史新低。

圖片來源:連登
圖片來源:連登

幣少咁豪原來得個樣 即揭幕後真正操盤手!

由於90後幣少形象囂張跋扈,隨即引嚟網民大起底。呢位幣少被網民揭表面風光,實則豪宅、靚車原來全都買不起?!

豪宅靚車係假象

有起底組的網民表示「咦,乜呢間西貢獨立屋咁熟面口,好似某位新進年輕富豪嘅住所喎?月租超過十萬,仲要啱啱租出咗冇耐,真係好揼本呀~」相信暗指的便是幣少團隊為了製造富有的假象,租借豪宅。

幣少

幣少

幣少

唔知大家覺得似唔似啦~

下面仲有大爆料,睇埋網民點講先。

網民回應

網民直指幣少,主打偶像路線!

嗱,臨時演員都係演員。

網民:「信「幣」少,依家就係「弊」,遲下仲變埋「斃」少。」

 

網民:「計埋條數,搞一次大龍鳳,200人參加,當一半人買佢啲機,一人買一部,一部就賣兩皮嘢 ($20,000)。租就$100,000一個月,咁大家話喇~」

頂級價格淘寶貨源

有網民爆料:「由幣少開始講IPFS機開始,之後有人喺兩登講佢嘅機係淘寶貨,一樣樣,之後又咁啱幣少係FB PO圖,話淘寶嘢都好貴,佢收25K其實好有良心點點點…

但要留意嘅係,幣少一路PO緊嘅商店係TTBIT / 兔比特,咁樣嘅話,就要再問大家多一條問題,睇下呢兩張相…」

「有冇發覺得中間嗰個大叔,好似兩張相有出現呢?

佢係TTBIT嘅所謂嘅副總監啦下,圖就冇架啦,官網自己都整唔見咗…」

疑似幕後操盤手

呢位網民表示:「心水清嘅話,應該就知道自己手上嘅機,其實就係值5K」

膠通消息來源:斃少爺

香港區塊鏈第一人

自稱「香港區塊鏈第一人」、外號「幣少爺」嘅黃鉦傑,睇準啲人想搵快錢的心態,加上早前加密貨幣bitcon瘋狂升值。近期高調開班推銷礦機。一堂課收入達二十多萬,並透過賣所謂的礦機,以及託管服務吸引一大群90後幫襯,更自稱幣少軍團。

 

 

呢位幣少唔簡單,佢仲上埋東張西望去介紹自己嘅礦機。

網民:「係介紹加密貨幣嗰陣,個感覺似係中學生做present咁,場地簡陋,甚至啲參加者要坐紙皮箱,佢講近期最新嘅「星際檔案系統」(IPFS)。」

網民:「可惜佢講嘅嘢,如果對比番時事,你會發現有好多奇奇怪怪嘅bug位。而且連上堂用嘅ppt都係一陣繁體一陣殘體。仲夾埋啲奇奇怪怪嘅用語,專業性令人懷疑。不過依然好多人上堂買礦機。」

網民:「佢喺東張西望度分享自己早年透過投資bitcon賺錢,近年覺得自己賺夠,應該盡下公民責任,等其他人都可以有錢齊齊搵。」

 

網民:「拍攝嗰陣有成二百位門生喺度,平均每人都有買4部礦機,加加埋埋淨係佢哋都向幣少上貢成二千萬。佢講9月31號上市嘅Filecoin,其官方研發團隊公開聲明,最快都要明年第二季,先可以上線。同埋最緊要係9月係冇31號架。」

 

當然佢咁嘅行為,就被網友恥笑

化身「英雄」深水埗派錢!?

就在上星期六下午,深水埗一度岀現天降一百元紙幣,大量市民爭相搶錢。而幣少亦同時岀現在街頭之上更聲稱:「錢!係可以從天降嘅!」及後他接受不同媒體訪問則聲稱此事與他無關,他指若真的是他派錢,我理應站在天台上而不是於街道中。但及後有網民發現,他曾在網上預言,錢將從天而降。

在上星期六,他亦於個人Facebook專頁上預告,將於翌日(星期日)再度走訪深水埗派發飯票。更表示會於明哥的餐廳內買下總值10萬元的飯票矛當區的老人家。怎料到場後卻是於車內派錢。派錢的中途被警察拘捕並帶上警車,幣少亦立即開Live,直播被捕後的情況。

警員多番警告,並要求他立即停止進行直播。

上網澄清 更表明約見多國記者

據指有傳媒及網民均表示幣少的名車被扣留,而幣少亦岀Post澄清,更表示自己將約見不同國家記者。

Youtuber 做足功課 大插幣少團隊操盤

在這件事發生之後,Youtuber Rock哥立即做功課,以宏觀角度分析幣少的FCC計劃。再片中,Rock哥一度指岀FCC的網頁注册地為巴拿馬,亦發現他的團隊中的許博士本為古蹟學家。

YOU MAY ALSO LIKE ...