劉佩玥﹑蔡思貝﹑陳瀅都有份？周志文堪稱TVB「集郵王」 9大緋聞女友個個女神級(多圖)

原文：娛聞樂｜圖片：東方新地、Instagram ｜ 編輯：少冰少甜@Central

先講「細孖」周志康

先講講「細孖」周志康，佢多年一直冇乜緋聞，皆因一早已認定富家女盧芷茵（Emily）。兩人2014年奉子成婚，現育有可愛囡囡Emma，一家三口非常幸福！

「大孖」周志文有「花王」之稱，出道以來緋聞冇停過，依家一齊細數大孖歷年來9位緋聞女友，9位都唔同口味！

袁紫僑

袁紫僑前名袁聖殷，英文名CoCo，係周志文唯一承認過嘅女友。澳洲長大嘅佢，來自上海嘅富有家庭，2011年來港做𡃁模，曾為女團「LemonBeez」及「少女標本」成員。入行不久就承認同大孖拍拖，不過喺2012年，大孖喺上海拍攝劇集《名門望族》期間疑似同馬賽撻著，搞到Coco要急急飛去𥄫實男友，同年戀情玩完。女方其後同賭王之子何猷君撻著後又分手。

馬賽

重慶姑娘馬賽於深圳長大，早年以內地生身份就讀浸會大學﹐於2008年參選港姐並獲得季軍。馬賽加入大台被受力捧，2012年拍攝《名媛望族》時被指與大孖搭上，搞到大孖正印袁紫僑要飛去上海「捉姦」，不過二人由此至終都未承認戀情。女方於後來2013年與內地製片人汪子琦、富婆Laura嘅she she she三角戀導致形象直插谷底，敗走香港娛樂團。

莊思明

拿督女兒兼港姐季軍莊思明喺2011年時，曾被拍到同大孖一齊行街睇戲，表現親暱。

莊思明更自爆為東華三院籌款時，大孖以「無名氏婆婆」捐出1000元支持佢，不過佢就堅稱兩只係好兄弟。

蔡思貝

2013年港姐亞軍蔡思貝出道以來就有「姣精」之稱，緋聞男友一大籮，包括鄭俊弘、溫家偉、周志文、羅仲謙、沈震軒等，曾承認同舞蹈總監麥秋成拍拖。2016年時，佢被影到同大孖出相入對，其後更「融入家中」，不過大孖就同人講佢哋只係去Jam歌喎！

何雁詩

據知何雁詩同周志文識於微時，兩人都係大台《超級巨聲》出身，比賽時至出道初期曾傳緋聞，後來不了了之。

王嘉儀

同屆《超級巨聲》出身嘅王嘉儀Sophy都同周志文傳過緋聞。

最近Sophy剪了一頭短髮，都幾清爽！

陳瀅

陳瀅最廣為人知嘅前度就好似只係有賭王四房公子何猷亨，不過2015年周志文被大台解約時，陳瀅被傳係大孖力追對象之一。

吳若希

周志文被解約前最後一個緋聞女友，當時盛傳吳若希發現周志文「一腳踏兩船」後，去搵大台高層告狀，搞到大孖被炒～ 後來大家都知，吳若希同澳門闊少何兆鴻奉女成婚，其後誕下女兒Giselle。

有傳當年吳若希向高層報串，搞到花心大孖失業。

劉佩玥

2013年港姐季軍劉佩玥，緋聞多到不得了，係大台出晒名愛「收兵」嘅娘娘。今年三月阿Moon被拍到同周志文喺淺水灣疑似拍拖，最近又被影到喺船P疑似激吻，不過二人至今都未就事件回應，大孖係當兵定係拍拖，暫時就只有當事人先知了。

Moon早前出了這本寫真，叫《我的微笑之道》，這本寫真散文集由構思到製作，都由她親力親為完成，並且投資了六位數字的資金在其中。

Moon身材高佻，樣子甜美！她在寫真中大方展露美妙的身材，美人與美景美妙交融。

而這次夢想實現對Moon而言是一樣值得慶賀的事情，而要準備的工作確實不少，她希望大家都能欣賞這本寫真的每個細節。