西裝版Marvel英雄型到裂!你流咗鼻血未?

西裝版Marvel英雄型到裂!你流咗鼻血未?

Marvel復仇者聯盟3:無限之戰》中,大部分漫威角色齊聚一堂,而強大反派薩諾斯(Thanos)令影迷關心(擔心….) 後續電影嘅發展。為咗緩和下大家嘅緊張感,係第四集釋出之前得地睇睇嚟土耳其 PS 神人 Houseofmat嘅作品,利用強大嘅 PS 技術令 Marvel 成員換上西裝!小編去抹抹鼻血先…

撰文:Juksy、Charmaine Wong|相片來源:Jusky、Instagram|編輯:白仔(原文刊於Juksy

本文由《JUKSY 街星》授權提供,未經同意禁止轉載。文章及圖片皆轉載自友好媒體,如有任何問題,請即與本刊聯絡。

西裝版Marvel英雄型到裂!你流咗鼻血未?

1.放盪不羈型佬 Dr.Strange

奇異博士 Dr. Strange 未去搵古一 Ancient One 之前就已經係間唔中著下西裝嘅型佬醫生,不過自從做咗唔係 doctor 嘅 Dr. Strange 之後,佢就一直著住長袍啦(喊出嚟)。

呢張坐係浴缸淨係著西裝褸嘅 Dr. Strange 簡直實現咗西裝控小編嘅 FF(流口水樣),有冇人都覺得佢好正!!

2.魅力反派 Thanos 變黑社會大佬

Marvel 電影咁多個反派入面,Thanos 應該都係最多人認同嘅一個,甚至美國最大嘅網絡討論區 Reddit,支持 Thanos 理念嘅「r/thanosdidnothingwrong」版塊 7 月就發起咗一個「消滅」Reddit 版塊上一半版友嘅致敬活動!Thanos 嘅受歡迎度有幾高?足足有 10 萬網民自願變 「塵」!

Marvel
薩諾斯(Thanos)換咗西裝依然相當霸氣,仲有種黑社會大佬味出咗嚟,手上嘅無限手套改用唔同戒指呈現超有創意!

3.I am Groot. I am Groot! I am Groot?

相信呢句「I am Groot」有唔少人都相當熟悉,星際異攻隊(Guardians of the Galaxy)中嘅 Groot 只會講呢句說話,想知道佢講咩?我諗淨係得 Asgard 嘅學府先有得修讀 Groot language,“I speak Groot. It’s an elective on Asgard” (Thor, 2018)。

Marvel
超級萌!但係小編一諗起「I am…groot…」就想喊…….

4.西裝骨骨火箭浣熊

火箭浣熊可愛嘅外表配上粗豪嘅性格,就造出獨特嘅反差感。不過係佢浣熊嘅身軀下其實係基因改造過嘅高度機械化生物,可以感應同接收生物電流,例如係 Groot 嘅植物電流,所以佢係第一個聽得明 Groot 講嘢嘅人。

雖然少咗份電影裡面嘅戰爭感,但係就有平時見唔到嘅公司高層格!

5.年度最佳爸爸 Yondo

Yondo用佢嘅生命話俾我地知,父親同爹地唔一定係同一個概念。佢雖然唔係星爵父親,但係佢作為一個「Daddy」就深深烙印係所有人心中,小編今次要抹抹眼淚先。

Yondo 都係型佬一名!

6.星光閃閃嘅西裝 Starlord

有唔少人睇完《復仇者聯盟3:無限之戰》都嬲咗演員本人,仲有人去 Chris Pratt 嘅 Instagram 出口鬧佢,雖然小編都好想打 Starlord,不過都係劇情需要啫,演員無辜㗎!如果唔係仲邊有得睇第四集喎。

星爵著上華麗西裝,閃令令嘅西裝外套都幾適合佢「虛華」嘅性格。

7.Drax 一身肌肉遮唔住

Drax 長期都以赤裸上半身嘅造型示人,今次著起西裝又幾襯佢!如果大家細心啲睇,會發現西裝褸上面嘅花紋同佢身上面嘅非常相似。

德克斯(Drax the Destroyer)著咗西裝依然可以見到健壯嘅身材。

8.Stan Lee 無處不在

睇開 Marvel 電影嘅你一定知道,搵 Stan Lee 嘅客串角色係必做動作。果不其然,呢度都有佢!至於 Iron Man 平時都成日著西裝㗎啦,不過見到佢地笑笑口企埋一齊嘅畫面又冇乜違和感。

應該係佢地幾個史上最和諧嘅合照。

9.唔好唔記得 X-MEN!

可惜暫時只係有魔形女、紅魔鬼同埋二人之子藍魔鬼著上西裝嘅「合照」,小編有少少想睇金鋼狼著西裝做「Wakanda Forever」動作。(明明係金鋼狼做先⋯)

仲有邊個西裝版嘅 Marvel 角色你想睇?小編就最想睇邪神洛基,雖然戲中已經出現過西裝造型,另外仲想睇下長髮 Thor 同變身後嘅 Hulk 著西裝!

YOU MAY ALSO LIKE ...