陳冠希女友首爆二人拍拖經過 曾遭女方父母反對!

流行娛樂

廣告

陳冠希(Edison)自從遇上內地名模秦舒培後,隨即收心養性,女友更為佢誕下一女Alaia,結果令出哂名「壞男孩」嘅Edison搖身一變成為慈父!近日,秦舒培接受傳媒訪問,首次大爆二人拍拖過程!

撰文:東方新地|圖片:Instagram|編輯:Cherry@Central

秦舒培首爆二人拍拖經過

時日飛逝,陳冠希與秦舒培已相戀3年,雖然二人仍未簽紙結婚,但已育有一女Alaia。最近,秦舒培就接受傳媒訪問,首度提及二人相戀經過,仲大爆父母對男友Edison嘅印象!秦舒培首先提到自己初次見到Edison時嘅印象,指最初係喺社交平台上見到男友於網上鬧一個部落客!

佢表示自己當時覺得Edison個人好cool同好真實,所以就被吸引。喺網上鬧部落客又真係唔係個個都敢嘅,敢言嘅男人喎,難怪佢對Edison嘅第一印象唔錯啦!

之後,秦舒培喺一個時裝周活動上,透過朋友認識到Ediosn。經過一段日子嘅互相了解同認識後,就覺得對方係一個好有趣、好細心同好聰明嘅人。果然,搵到個識得所賞自己嘅人,所有嘅優點都會不停無限地被放大!

相信唔少人都記得當年Edison喺香港爆出嘅淫照風波,原來當時秦舒培嘅好友唔明點解佢會同Edison拍拖,同時亦受多方嘅壓力,但依然無阻二人相戀!

秦舒培曾遭父母反對

另一方面,父母亦接受唔同個女同Edison拍拖,但秦舒培指為咗改變父母對男友嘅印象,迫佢哋去美國見男友,並強調父母慢慢開始接受Edison,而成件事亦好自然,仲話男友亦有做特別嘢嚟討好父母,但就冇講到係啲咩。

至於講到同Edison拍拖,秦舒培坦言二人嘅愛情好簡單,就好似只要每天都一齊,做最簡單嘅事情就已經好開心!而且,佢仲表示對方一直都支持自已任何決定,故認為支持係最重要嘅!

Ediosn自從做咗人老竇後,經常喺個人社交網晒囡囡嘅相,仲被網民封為「炫女狂魔」!

陳冠希女友生日甜蜜留言

早前是陳冠希女友秦舒培的生日,陳冠希在社交網站上載秦舒培在生日蛋糕面前許願的照片,更留下愛的宣言「生日快樂我的另一半!我的另一半、我的寶貝媽媽、我的靈感,你讓我完整,我每天感謝上帝讓我擁有妳!」還大讚秦舒培是「最可愛」!超閃呀!

自從去年三月,Edison與秦舒培誕下囡囡Alaia之後,兩人經常在社交平台上載照片曬恩愛。

陳冠希慈父上身

Edison更因有咗愛女後,瞬間變成慈父,不時會在其個人社交網「前世情人」Alaia的蹤影。依家的Edison已是個有女萬事足的男人,難怪獲女友封為「最好的爸爸」!

SEED 1.0

A post shared by Edison Chen (@edcee3000) on

陳冠希串爆對罵鄧紫棋

熱播中嘅內地選秀節目《中國新說唱》,明星製作人有五位,包括:吳亦凡、MC HotDog、張震嶽、潘瑋柏同鄧紫棋(G.E.M.),而G.E.M.更係節目中唯一一位女明星製作人。

早前,當節目公布明星製作人名單嘅時候,有人就覺得G.E.M識唱歌唔等於識Hiphop。

因此,有部分人對節目嘅導師名單好不滿,甚至指點解個節目會有G.E.M.。

陳冠希彈鄧紫棋唔夠班

除咗網友指G.E.M.嘅rap經驗尚淺,質疑其資格外,陳冠希亦都睇唔過眼,串咗G.E.M.兩句。

陳冠希喺MC HotDog嘅IG留言:「LOL Hahahah again on some BS.」「Rappers???? hahahahah u mean a stage full of …/not rappers right???」取笑G.E.M.唔係Rapper。

鄧紫棋串爆反擊

但G.E.M.就一於少理,仲喺IG Post咗一段Rap,串爆睇唔起佢嘅人「誰能像我,早在二十五歲開百場的巡迴,LIVE從不對嘴。」

節目組亦公開咗一班導師親自填詞rap嘅片段,其中G.E.M.以歌詞寸爆haters!

一開始就叫所有女孩企起身,仲暗寸啲睇唔起女性嘅人:「把你石器時代的思想全都拋開」

G.E.M.仲用佢嘅巨肺rap出:「要是不服的話,你高得上去嗎?」唱咗一段高音,分明串死haters!

鄧紫棋成功逆襲

片段一公開,G.E.M.就逆襲成功,獲得粉絲力讚,亦有網民指佢嘅實力比只會批評別人嘅人更有實力。

另外,有網民撐佢嘅實力拍得住一眾男導師,絕對係實至名歸!

山長水遠飛到巴黎睇女友行騷,Edison就緊係要影低秦舒培行貓步一刻,拍片擺上網外,仲sweet爆留言叫女友做「MY QUEEN」,放閃指數爆燈。

陳冠希愛女變潮童

現時37歲的Edison自從升呢做老竇後,就變成潮爸。佢當然唔會放過任何一個為愛女Alaia打扮嘅機會。原來喺出席時裝展前,Edison就同Alaia裝身,著上一身潮牌,立即成為真潮童!

秦舒培上年3月為陳冠希誕下愛女Alaia,有女萬事足嘅Edison不時都放相上個人社交網,同大家分享湊女之樂。

Edison更會帶埋女友同囡囡一齊去睇球賽,共享天倫之樂。

其實,有Edison呢個潮爸,仲有一個做模特兒嘅媽咪,無論要做潮童定模特兒,都一定係件非常輕易嘅事!

今年3月,二人就為Alaia搞咗個生日派對,囡囡有咁多人錫,真開心!

秦舒培貼父女照 賀陳冠希37歲生日

上年10月陳冠希生日,他和秦舒培到上海,二人雖有工作在身,但仍不望抽空陪愛女Alaia。要B女一齊坐飛機,全因Edison想在10月7日生日當天有女兒陪在身邊!秦舒培更於IG大貼Edison父女照,並以留言「Happy birthday my man」送上生日祝福。

與陳冠希賀生日的除了女友和囡囡,亦少不了各方好友。在熱鬧的生日飯局中,秦舒培與男友影形不離,相當恩愛。

榮升人父陳冠希:「以家庭為先」

誰想到情史豐富的陳冠希竟有做爸爸的一天呢?自女友於本年3月誕下愛女Alaia以來,Edison續漸化身成女兒奴,經常替愛女打扮,更一改以往性格,大方與網民分享當爸爸的快樂。一副慈父look的陳冠希對女兒呵護有加,時常親手抱女,他的這一面,相信在Alaia出世前從來未曾嚗光!