【森美旅行團2】盤點《森美旅行團2》3集爆笑位 丁子朗森美電到硬晒 森美扮舞伎嚇親人 網民:以為係人妖嚟!

流行娛樂

廣告

《森美旅行團2》昨晚播到第三集,繼續由森美帶領麥美恩(Mayanne)、丁子朗吳若希,喺日本京都吃喝玩樂,今集森美仲扮舞伎周圍搵人影相,不過化到白雪雪嘅森美,副尊容真係嚇親人囉!

原文:東方新地、環球膠報|圖片:《森美旅行團2》截圖|編輯:CC@Central

【森美旅行團2】森美扮舞伎嚇親人

《森美旅行團2》來到第三集,今集森美、Mayanne、丁子朗同吳若希分別化身舞伎、花魁、武士同車伕。佢哋分成兩隊battle,同當地市民及遊客影相。

 

扮舞伎嘅森美就同Mayanne一組,森美扮得女人,另一個就當然扮男人啦。Mayanne自稱「麥丸子十小辣」,森美就搞笑咁話:「我哋就係大檸樂唔少甜」,真係九唔搭八嘅!

跟住佢哋就開始比賽,森美同Mayanne見到人就衝埋去,十足十怪物咁,想嚇死人咩?影咗兩張相之後佢哋又追住兩個囡囡,不過嚇到人哋愈叫愈走,搞到森美都忍唔住話:「走喎,佢哋走得幾快,九秒九咁走」。

另一方面,吳若希同丁子朗就簡單得多,搵到唔少人同佢哋合照!

Mayanne即刻寸森美:「係你個樣嘅問題」,森美反擊:「唔係你個樣有問題?」。咁又唔怪得人嘅,森美化到白雪雪,紅唇烈炎,不過又男人咁嘅老牛聲,唔講仲以為佢係人妖嚟!俾着小編都一樣嚇到走夾唔抖!

吳若希同丁子朗最後成功影咗13張相,臨尾Mayanne仲要寸多句:「咁我個樣都算正常,都似一個男人,但係叔叔(森美)笑起棚牙上嚟,係有啲嘔心,原來佢棚牙真係咁黃。」

森美扮女人咁精彩,好嘢緊係益大家,去片!

森美

想嚇死人咩!

Posted by 大娛樂家 on Wednesday, 15 August 2018

《森美旅行團2》今個星期開始播,由森美帶隊遊京都、岡山及和歌山,除了舊拍檔麥美恩(Mayanne)外,仲有吳若希及丁子朗新加入!其中2016香港先生亞軍丁子朗出場即大騷健碩肌肉,搞到森美大哥都要自嘲年紀大,依家為大家介紹呢位小鮮肉!

《森美旅行團2》已經出發

一連十集的《森美旅行團2》已經播緊,今次繼續由森美大哥帶隊,但就冇咗上輯的黃心穎同高海寧,舊團友麥美恩(Mayanne)有得留低,換上吳若希、丁子朗加入,齊齊帶大家去日本京都、和歌山及岡山食玩買~

麥美恩被Un到紅晒

拍攝期間,森美留意到麥美恩塊面勁紅。

連人妻吳若希都發現到。

森美笑指,係因為Mayanne甚少坐喺啲突出黎嘅嘢上面!

而另一原因係,Mayanne家教太好,所以佢又細到大,從來無踩單車喎。

不過,「踩單車」有乜影響真係好難用幾句說話解釋!

暗示仲係處?

Posted by O咀新聞台 on Wednesday, 15 August 2018

小鮮肉丁子朗 爆肌撼贏森美大哥

昨晚第二集,丁子朗首度登場,孖森美介紹京都電氣風呂「衣笠溫泉電氣風呂入到澡堂,就係二人騷肌嘅大好時機!丁子朗露出健碩肌肉,發揮小鮮肉吸睛之處!相反森美就搞笑地扮錫身,將毛巾包到上心口,連兩點都唔露,大方畀對方搶鏡!

齊齊電到硬晒

由於全裸進浴場是禮儀,所以二人都入鄉隨俗,全裸入浴,並將重要部分「打格仔」處理~入浴時,丁子朗自爆因為受到電流影響,搞到全身硬晒,肌肉繃緊!隨後,森美亦落池試試,二人同樣表現痛苦,但又好搞笑!

《歎得好健康》同陳雅思鬥晒胸

其實丁子朗喺節目騷肌都唔係第一次啦!去年無綫綜藝節目《歎得好健康》中,丁子朗與黎耀祥、黎諾懿及陳雅思幾乎集集都浸溫泉,結實有型的丁子朗可謂風頭盡出,每當三位男士浸溫泉時,黎耀祥及黎諾懿為遮肚腩,通常將全身浸於水中,僅得子朗自信爆棚,大方展露完美身材,成功秒殺視帝祥及神之馬壯!

陳雅思泳衣仲吸睛

小鮮肉丁子朗係吸睛,不過陳雅思泳裝出場時,都只好企埋一邊啦!

2016年香港先生亞軍

1997年出世的丁子朗今年只得21歲,名副其實係個「小鮮肉」,2016年時以19歲之齡參加「香港先生選舉」,奪得亞軍、「最上鏡先生」及「現場最受歡迎香港先生」三個獎項,睇嚟觀眾緣相當不俗!

睇得仲好打得

大隻仔丁子朗唔只睇得,仲好打得!據知佢由1級開始學習蔡李佛拳至9級,有姿勢有實際!

完美肌肉

丁子朗完美身材嘅背後,原來有個故事。話説佢大學時期受到大隻宿舍室友影響。,當時子朗被室友迫做Gym,慢慢先變成習慣。佢不時都喺社交網絡大方發布肌肉照。各位女士們,係福利啊!