簡幗儀IG串錯小學字 網民恥笑咁都叫才女

流行娛樂

廣告

香港書展今年7月18號 (三) 開鑼,有份出書嘅網紅女神Lilian Kan(簡幗儀)密密喺社交平台度宣傳造勢!日前, Lilian就喺IG上出咗個英文圖文Post宣傳新書,但有網民就眼利發現佢連個好簡單嘅英文生字都串錯,仲話「才女」文法差喎!究竟才女Lilian寫咗啲咩啊?不過,去到書展現場,Lilian就好似冇咗件事喇,見到新書都好興奮,仲覺得自己係個作家喎!

撰文:東方新地 | 圖片:連登討論區簡幗儀IG|編輯:heitung@central

簡幗儀Lilian Kan新書 《This is Lilian for u》

今年30歲嘅Lilian Kan推出佢第四本寫真散文集,身為時裝設計師嘅佢同為模特兒,一直保持良好體態。唔少網民大讚今次寫真集封面條裙勁有taste,仲有人留言話「好有時裝雜誌封面feel」!

貴為理大碩士 小學英文都串錯

Lilian喺圖片入面就話,未做到令自己非常驕傲佢都唔會停低,不過就將「驕傲」嘅英文 “Proud” 就串錯咗做 “Pround”,被網民恥笑佢咁都算係「才女」,議論紛紛喎⋯⋯

其實本身用中文寫句嘢都已經幾繞口㗎啦!小編不才,就唔敢用英文挑戰啦⋯⋯

書展現場 覺得自己係作家?

過咗冇耐,Lilian就刪除咗IG上嘅圖片喇~不過就依舊密密喺限時動態度分享佢喺書展嘅最新搞作,去到現場仲話突然覺得自己係一個作家~

其實,Lilian以前真係喺理大攻讀咗個時裝及紡織系碩士,被唔少網民大讚佢樣靚身材正又高學歷,不過今次就認真唔小心啦!

小編其實真係對Lilian呢次嘅寫真散文集好好奇,特別係啲散文啦!不過字就未有得睇住,唯有睇住啲相解下渴先啦⋯⋯

身為設計師嘅Lilian成日都分享佢著啲富有設計感嘅靚衫靚裙。

睇完fashion show之後仲會同大家分享感受同分析,好有心機啊!

|泳衣照唔係成日有