必備4大單品令你輕易駕馭流行運動風
廣告
2018年足球盛事、亞運會，可謂一浪接一浪，運動風持續燃燒，仲成為時下穿搭潮流，就算唔係運動狂熱份子，想喺今個夏天輕鬆配搭出屬於自己嘅「運動裝」，你絕對不能錯過四大單品，令穿搭更潮、更有型。
Text︰YY
(Presented by: Tissot；IG來源：Kenji Wong)
潮穿運動風單品一︰必備白色運動鞋
無論任何款式，以白色為主嘅運動鞋係必然之選，最簡約又易配襯，自然舒適咁展現運動風嗰種休閒帶瀟灑嘅味道，你鞋櫃又點可以無？
潮穿運動風單品二︰Cap帽瞬間打造型格Look
講到型格又實用，點可以唔提Cap帽！運動感十足嘅Cap帽讓整體造型更加豐富多元化。重點係將瀏海收起，反戴Cap帽令整體更俐落有型，仲慳埋時間，啱晒朝早趕時間出門無時間打理頭髮嘅朋友。
潮穿運動風單品三︰運動襪增加層次感
除了各類運動鞋之外，配襯一對運動襪絕對有畫龍點睛之舉！只要穿搭得宜，為整個造型增添層次感。喺炎夏穿起闊身及膝褲，加一對運動襪潮味十足，穿搭更玩味型格！
潮穿運動風單品四︰時尚運動錶突顯個人品味
男生日常穿搭，腕錶一定唔會被忽略，除咗突顯個人品味外，尤其造型時尚嘅運動型腕錶，俾人一種休閒不羈感覺，再配上實用功能設計，更成為男生心頭好，漸漸變成穿搭不可或缺嘅一部份、打扮造型嘅亮眼點！
