【上車實錄】自己樓自己整!為求慳錢,做按揭、裝修、買傢俬一腳踢!

熱話

廣告

喺香港上車一向都難過登天,買樓淨係畀首期已經要使一大筆,仲要將新屋執一輪先可以入住,裝修傢俬樣樣都要錢,冇番幾百蓋都唔好諗住買樓住。想做樓奴又想慳錢?亦得,不過就要自己郁手喇!近日有人喺連登分享自己買樓裝修兼淘寶傢俬一腳踢嘅過程,即刻睇下佢點樣慳盡一分一毫!

撰文:AuntieSam|資料及圖片來源:連登、taobao、price.com

【上車實錄】自己樓自己整!為求慳錢,做按揭、裝修、買傢俬一腳踢!

樓主由買樓到完成裝修,總共用咗大半年時間。以下就係佢嘔心瀝血完成嘅新居,睇落都幾靚裝!

裝修前:

裝修後:

第一步:買樓做按揭

樓主因為屋企人年紀開始大,加上同女朋友買咗隻狗,所以畀屋企人迫咗去買樓(我都想有錢畀人迫遷)。樓主揀樓嘅條件有三個:一,九龍區;二,六百萬左右;三,要係屋苑唔要單幢式住宅。符合呢啲條件嘅樓盤真係唔多,輾轉之下樓主決定買位於土瓜灣嘅翔龍灣一個高層單位,兩房一廳,實用面積為367呎。單位估價660萬,業主開價638萬,樓主係冇睇過實際單位嘅情況下已經決定立刻簽約。

 

樓主喺大貓銀行度做(門口有隻兩隻大貓嗰間),當然會喺番自己公司上會,方便利用員工身份慳番啲手續費。層樓總價638萬,做6成按揭,息口為H+1.27。大貓銀行本身有1.75%回贈,再利用員工渠道加多0.2%回贈,最後總共可以回贈番1.95%,即係大約$75,000。樓主選擇要做30年樓奴,所以月供1萬5,另加管理費$1,200,每個月唔計燈油火蠟都要畀$16,200,一啲都唔輕鬆。

第二步:交樓裝修

去到今年年頭,樓主終於收樓,可以開始佢嘅裝修大計。

1.度位畫圖

層樓交吉之後,樓主首先就係上去度位,然後上淘寶搵人畫圖,盛惠$5,000。

畫圖淘寶link按此

不過樓主對於啲圖嘅質素就唔係咁滿意,只係有啲圖喺手,大致可以跟住嚟做,咁就少啲機會中伏。

2.拆牆、畫位、爆坑

有幅圖喺手,就要開始真正動工喇!考慮到個人需要,樓主決定做成全屋開放式,將客廳、廚房同兩間睡房都打通。

而女朋友最鍾意就係照鏡,所以貼心嘅樓主就喺門口櫃隔籬,做咗一塊到頂嘅灰黑色全身鏡,增加空間感之餘亦畀女朋友照個夠。

樓主嫌窗口式冷氣機太樣衰,所以就拆晒上手留低嘅冷氣機,改用分體式冷氣,將部機吊喺露台位。而原本窗口式冷氣機嘅位置就封板批灰,落牆紙將佢遮住。

3.水電

樓主全屋嘅水電裝備主要都喺淘寶,或者喺外國直運返嚟。

插蘇——約HK$180/組(連稅及運費) 立即購買

香港用英式插蘇,同一組喺香港要買幾百蚊,喺英國直接訂返嚟就只係HK$180左右,一組差唔多平成HK$300。

電掣——¥9.80-62.80 (約HK$12-75) 立即購買

水龍頭——¥ 599-899(約HK$720-1,080) 立即購買

企缸水龍頭連花灑——¥ 558(約HK$670) 立即購買

 

洗手盆——¥ 858-958(約HK$1,031-1,151) 立即購買

馬桶——¥ 728-1,450(約HK$875-1,743) 立即購買

廚房鋅盆——¥ 878(約HK$1,055) 立即購買

4.燈飾

bar枱吊燈——¥ 188-1,288(約HK$225-1,548) 立即購買

客廳大燈——¥ 259-871(約HK$311-1,047) 立即購買

房燈——¥ 248-478(約HK$298-574) 立即購買

背景牆聚焦射燈——¥ 29-50(約HK$36-60) 立即購買

廁所廚房假天花射燈——¥ 20-52(約HK$24-63) 立即購買

書枱射燈——¥ 30-75(約HK$36-90) 立即購買

屏風櫃射燈——¥ 42-78(約HK$50-94) 立即購買

5.泥水

地磚方面,樓主就上咗去深圳買,貪佢夠多款多選擇。大陸磚同歐洲磚嘅分別,就係前者每一塊都係一樣,而後者就每塊都有唔同紋理。平衡番價錢同外觀,最後樓主選擇廁房同廁所特效牆用大陸磚,其他就用番歐洲磚。

結果全屋大陸磚買咗HK$6,000,歐洲磚就HK$25,000,合共HK$31,000,都算划算。

另外,樓主喺香港訂造咗雲石bar枱,不過就表示中伏,上料之後啲雲石又崩角又有裂紋,最後香港公司用雲石膏補完拋光就當了事。

 

牆身方面,全屋就用咗無縫牆布,都係喺深圳買,68蚊人仔1平方,加加埋埋¥ 3,876。

6.木工

成屋實用面積得個300幾呎,放嘢空間自然唔夠,地台床就係好多人嘅選擇。

喺床嘅隔籬,樓主就造咗一組衣櫃同書枱。

由於樓主將全屋打通咗,所以佢都造咗個木屏風,隔一隔廳同房嘅範圍,同時又可以裝飾下間屋。而喺門口位置,就造咗個櫃放下雜物同鞋。

第三步:買傢俬電器

裝修大致完成,就可以放傢俬電器。貫徹番樓主要平又要靚嘅原則,傢俬都係淘返嚟。

傢俬

梳化——¥386-1,288(約HK$464-1,548) 立即購買

電腦椅——¥950-1180(約HK$1129-1402) 立即購買

bar枱椅——¥325(約HK$390) 立即購買

床褥——約HK$12,000(連運費) 立即購買

床褥呢家嘢,就真係冇可能淘返嚟嘅。樓主就去咗門市睇款,揀好咗之後就喺美國訂返嚟。雖然床褥好重,不過計埋運費,都比香港平成3-4萬。

家電

電器方面,樓主就主要喺Built-In Proprice.com入手。

抽油煙機 HK$5,080

二用微波焗爐 HK$9,900

大門電子鎖 SAMSUNG SAMSHPDP728AGEN 指紋電子鎖 HK$3,380

煮食電磁爐 WHIRLPOOL ACM313 2800W HK$3,380

分體式冷氣機 樂聲 2匹 CS-E18TKA HK$10,700

雪櫃 SAMSUNG RB34K6252SS/SH HK$5,190

洗衣機 SAMSUNG WW80K5210VW HK$3,790

電視機 小米電視4 55吋*2部 HK$9,600

唔計買樓用咗幾錢?

如果唔計買樓嗰嚿,樓主大概用咗29萬完成其他所有嘢。不過,佢都係有父蔭嘅,爸爸拎咗15-20萬幫手,咁成條數即係45-50萬。

大部分網民都覺得樓主好用心整,整得幾靚;亦有人感歎喺香港用幾百個買層樓返嚟,最後整咩都要就住就住。

當然都會有啲提子友酸味濃,或者表示對淘寶卻步。樓主就勸大家實事求是啲,個個都想made in JAPAN,唔通個個都可以made in JAPAN咩。

如果大家有其他嘢想知道,可以睇番呢個post

,或者直接telegram樓主都得。

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!