KOL同女友亂咁射玩出禍！用書擋子彈玩命之舉 搞到女朋友變謀殺親夫…
撰文：Layne﹑Heitung＠Central｜相片來源：Youtube截圖｜編輯：Heitung＠Central
為咗紅可以有幾盡？
為咗成為當紅KOL你可以去得幾盡？佢就真人示範話咗畀世人睇！做網紅除咗可以呃like，又可以接廣告搵大錢，聽落又真係好吸引，但係又值唔值得玩命先？美國明尼蘇達州檢察機關日前公布咗一條喺2017年拍攝嘅影片，片中嘅主角係一名22歲男子Pedro Ruiz III，佢同20歲女友育有一名3歲女兒，而女友更快將誕下第二胎，一家有大有細，但係為咗要「紅」，竟然拍片玩命，叫女友幫手用槍射自己，玩命玩到咁大，結果當然係命都冇埋啦！
Youtuber玩命用書擋子彈
男子 Pedro Ruiz 與其女友 Monalisa Perez 經常在他們的Youtube Channel（La MonaLisa）上發布惡搞短片，而不料這次竟玩出禍！
在2017年，Pedro Ruiz 為了出位、爆紅，同女友合作拍攝一條實驗影片，決定模仿電視上的特技鏡頭，用百科全書放喺自己胸前擋子彈。
他要求懷孕的女友手持有「地球上最強手槍」之稱嘅「沙漠之鷹」手槍，對住自己心口開槍，即便女友多次表示反對，他仍一意孤行。
佢話要測試下本百科全書可唔可以擋子彈咁喎，而佢自己深信本書咁厚一定冇事嘅！唉……佢真係太天真喇！就係咁，佢就被女友一槍射死咗喇！
向鏡頭展示手槍及手槍子彈的口徑後，他便將子彈裝進彈匧中，開始他的「玩命之舉」。但他卻不料，這是一個足以使他及其妻子後悔終生的決定，子彈直接射穿他手中的書本並射入他的胸口，而 Pedro Ruiz 亦在送醫途中不治。
叫埋親戚朋友圍觀！
佢哋仲叫埋三十幾人一齊圍觀，包括佢哋個女，一齊親睇住Pedro中槍倒地身亡！死得咁壯烈，真係一舉成名喇！難為佢女友因為咁犯咗二級殺人罪被判刑，兩個仔女又冇咗爸爸，圍觀嘅人仲隨時一世有陰影，何必呢？
死者女友
這一槍奪走了 Pedro Ruiz 的生命，也奪去了他孩子、女友的家庭支柱。雖然當地法官在考量 Pedro Ruiz 女友 Monalisa Perez 並非故意殺人及其身懷六甲的情況，而輕判她入獄180天，在未來的三年每年入獄30天，其餘刑期則在家中服刑。
但是即使得到法律上的輕判，相信Monalisa Perez 在家中、孩子的面前，亦會日夜受到良心的責備。所以希望大家引此事為鑑，行事之前，三思而後行。不要為了一己私慾，而輕易作出會使自己後悔終生的決定。
睇片（出事前）
https://www.youtube.com/watch?time_continue=667&v=NX8GaFMDjjI
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
