波鞋Group會員罵戰事件 收唔到貨仲要俾人鬧？

撰文：皇天擊殺丨圖片來源：Facebook截圖

波鞋Group會員罵戰事件

於昨日（13日）凌晨，Sneaker Hell某會員於群組開Post，指遲遲未收到訂購嘅ReBoost產品，其後某Admin於Post中留言，被認為態度非常惡劣，而且更以一句「如果你真係覺得打擾到我就好啦」去回應該名會員，引發大量會員的不滿，認為Admin沒有道歉之餘更加「聲大夾惡」去回應事件。

然而事件發展到當日下午時份，有會員發現之前話未收到貨嘅Post，竟然被Delete。Admin後來出咗一個「疑似」道歉及認為自己做咁多都係為群組好嘅Post，成為整件事嘅終極爆發點。

事件平息一段短時間後，有其他會員出Post紛紛表達自己嘅意見，更有會員認為今次都唔係Admin嘅錯，也有不少認為自己「中立」嘅會員出post，但其實言行間卻充滿對Admin嘅支持，其後又喺Post中話唔會回應任何人，但卻冇停過去回應，大家又點睇呢？

喺事件就嚟去到尾聲時，其中一個Admin亦開post指出今次係Admin嘅處事不當，但係相關Admin就一直都潛水未作出即時回應，其後畀會員認為該Admin淨係識逃避問題，而且更係用極權去管理緊Sneaker Hell。

最後事件發展到今日，都仲未得到一個稱得上正式嘅Admin道歉，而且相關群組會員更遭刪去留言同關閉留言功能，更有會員因為企出嚟反對Admin而被踢出群組。小編唔評論誰對誰錯，都係留俾讀者自行判斷。

連登都有巴打忍唔住開Post去討論呢件事件，更加有人將Sneaker Hell嘅Admin改圖，形容Admin嘅能力就好似Thanos一樣，打橫嚟行，想點就點。