黎明新寵Wing Chan 驚傳陀B六個月 唔通今次真係追上三大天王進度榮升爸爸？

撰文：東方新地｜編輯：Koey@central | 圖片：東方新地

黎明與樂基兒的那些年

當年與樂基兒(Gaile)拍拖，黎明愛得高調，雖然雙方性格南轅北轍又相差13年，仍不時拖手外遊放閃，知道Gaile鍾意去沙灘滑水，黎明會陪她去峇里，知道Gaile熱愛滑雪，黎明會帶她去北海道，全世界都知他錫到Gaile燶。

不過離婚後二人形同陌路人，去年8月Gaile在加州再婚嫁商人，黎明一句祝福都無。

黎明女助手新寵曝光

當外界都以為黎明未走出情傷，但其實佢去年已有著落，與其唱片公司AMusic的女助手阿Wing過從甚密！獲黎明寵幸的阿Wing進駐上水雙魚河St.Andrews Place的6千呎獨立屋，又在AMusic身居要職。早前本刊記者直擊阿Wing獨自駕車離開黎明寓所，返回AMusic位於觀塘的辦公室，佢將車停泊在公司的專用車位，絕非小職員應有的公司福利。

公司打晒骰

據知除了黎明多年的助手子泉及御用司機阿B外，阿Wing已成為有影響力的公司決策者，入主AMusic做營業部經理，負責管人。又指黎明每次出埠工作，阿Wing都會主動想跟在身邊，但黎明都為免太高調而煞停，即使在香港外出時亦安排分車坐。

黎明新寵Wing Chan 陀B六個月

本刊收到可靠消息，指阿Wing不單成為天王新寵，更會在狗年榮升人母，現時已懷孕六個月！日前本刊拍得阿Wing由黎明寓所出發去shopping，可見佢腹大便便但行動輕盈，且剪了一頭短髮。

據知阿Wing現時在AMusic已是一人之下、萬人之上，不過近月個肚愈來愈大，返工次數則愈來愈少。知情者透露母憑B貴的阿Wing，產假未到已經可以選擇性返工，久唔久先以揸fit人姿態現身公司，同一般孕婦前四後六大有分別！要天王提供埋豪宅安胎 ，看來大住肚的阿Wing確實深得黎明寵愛。

內容延讀:
16位明星片酬大公開！ Angelababy 收8千萬都係排30？
>>>LIKE我們fb<<<
www.facebook.com/newmonday.com.hk