朱古力、牛油果咁有用!? 9種姊妹恩物食材防私處異味 順手叫男友記低

生活

廣告

女仔的私處本來就有益生菌保護著,整天不見天日,有私處異味都不足為奇。嚟M同做完運動的時候股腥臭味可能變得更加濃烈,這都是正常的。但是,當你有日發現你的陰道有股好強的味道傳出,勁到你驚隔籬位都聞到、男朋友連性暗示都拒絕的話,你就要留意下喇。是時候管理一下自己的飲食習慣,多吃朱古力牛油果等以下幾種食物啦!如果你是男生的話,不妨記下下列食材,助你女友告別臭 _!

撰文:酒啊九叔、Athena | 圖片:新傳媒資料庫

朱古力、牛油果咁有用!? 9種姊妹恩物食材防私處異味

1. 紅莓汁

紅莓擁有抗氧化花青素和豐富的維他命A、C和E,能擊退私處的尿道細菌,加拿大研究更指出能夠抗尿道炎。最好選擇一些天然無糖的紅莓汁,對身體無副作用又健康。

2. 乳酪

乳酪本身就係益生菌,可以幫助陰道維持酸鹼度。如果唔鍾意食乳酪嘅話,泡菜、酸青瓜和德國酸菜都有好豐富的益生菌。

3. 番薯

番薯有豐富的維他命A,能令陰道和子宮壁維持健康。 而且番薯的卡路里很低又飽肚,能減肥又健康,非常適合。

4.蒜頭

原來生食蒜頭可以殺菌,紓緩陰道感染。不過食完之後可能要刷牙、飲下水啦,如果唔係到時就唔係妹妹臭到人,係把口臭死你BB啦。

5.大豆類食物

豆腐、豆漿和枝豆等等嘅大豆類食物含有植物雌激素能保持陰道濕潤健康。不過過度加工嘅大豆食物係無用㗎,最好食番啲最天然嘅豆類食品。

6.牛油果、蘋果

呢兩樣果平時都好易買到,都可以保持妹妹持久濕潤同健康。

7.水

原來另一半成日叫自己飲多啲水係啱嘅。但最好除了把口叫飲水之外,都多啲關心下你嘅BB豬,自然又Warm又開心。一日飲8杯水就自然身體好,陰道健康都無問題啦。

8. 黑朱古力

食朱古力可以令人開心之餘仲可以抗氧化,食黑朱古力仲可以提升女仔嘅性慾同性能力。咁作為男仔嘅你,想你另一半性生活健康快樂嘅都可以送啲朱古力畀佢哋呀。

9.新鮮蔬果

蔬菜生果可以幫助消化、增加血液循環、維持身體健康,仲可以減少經痛。食多啲菠菜仲可以增強你嘅血液循環,令你嘅妹妹無咁Dry。除此外,中醫師亦曾提過蜜桃或火龍果都是治補生果,對於女士們的月事帶有保護的功效,且能減低大姨媽探訪期的不適,絕對適合女士食用!

最後呢,其實食少啲紅肉都可以令你嘅體味冇咁重。因為紅肉含有豐富的蛋白質,令到細菌滋生,陰道容易變得敏感。所以無咩必要都唔好食太多肉類喇。

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!