岑麗香孖老公葡萄牙放閃 多張甜蜜旅照嚗光!

流行娛樂

廣告

早喺7月,岑麗香飛葡萄牙為劇集《溏心風暴3》拍外景,強強又做跟得老公飛埋過去陪拍,原來兩公婆趁拍攝空檔搵咗個當地嘅專業攝影師,影咗輯sweet爆靚相,日前呢批相終於喺網上曝光,唔睇由自可,一睇隨時閃到你盲!香香同強強喺街頭玩抱抱兼且又攬又咀,發自內心嘅甜蜜笑容真係隔住個mon都feel到!

Text-Sunday KissPhoto-Sunday Kiss、岑麗香 Instagram

岑麗香 多張甜蜜旅照嚗光

岑麗香去年12月同金融才俊Joshua(強強)喺溫哥華結婚,強強更甘願放棄加國嘅事業,遷就老婆移居香港,真係錫到香香燶,呢輯甜蜜旅照就完全表達到佢哋嘅愛!

睇到佢哋甜到漏嘅笑容,感覺好幸福!

喺街頭玩公主抱兼又攬又錫,十足熱戀中嘅情侶般愛得癡纏。

原來兩公婆想喺葡萄牙首都里斯本留下倩影,所以喺Instagram搵到專影情侶相嘅當地攝影師,為佢哋嘅旅照操刀。攝影師大讚香香同強強呢對couple充滿活力同激情,又夠真情流露,同佢哋合作得好開心!

溫哥華完婚 去年下嫁強強

香香公主於去年12月高調宣布婚訊,她表示跟強強多年前在溫哥華因工作關係認識,但之後再沒有聯絡,想不到多年後在朋友的介紹會再次遇上,最後更結成夫妻!

唔怕太閃的話,不如重溫一下佢哋嘅婚照?婚禮當晚香香由頭甜笑到落尾,真係成個童話入面嘅公主咁!

婚禮當晚,當然唔少得被封為「處女黨」嘅鍾嘉欣、李亞男、王君馨同苟芸慧一班好姐妹撐場!

雖然兩公婆都喺外國長大,但係婚禮仍然做足中國傳統,新娘子香香著裙褂都一樣咁好睇。

不知不覺,岑麗香同老公強強已經就快結婚一周年,預祝佢哋嘅婚姻生活一日比一日甜蜜!