香香 王祖藍 呂慧儀 你絕對認唔到 《老表，畢業喇！》12位演員童年照

text – Sunday Kiss 、Cherie edit-Cherie photo –Sunday Kiss

《老表，畢業喇！》12位演員童年照曝光

Bob林盛斌

早幾日林盛斌po咗張童年照上社交平台，仲留言話：「到底我個青春期發生咗咩事？點解細細個成個張國榮咁款，大個咗會變咗做豬肉榮㗎呢？」童年Bob鼻高高面尖尖，眼神仲不經意「漏電」，講真，的確有幾分似張國榮，又有幾分張智霖！唔少網友仲反問，點解Bob細個咁瘦？點解細個咁多頭髮？

其實阿BOB細個同幾個囡囡真係好似樣！

呂慧儀

阿Bob仔大十八變，而呂慧儀都同樣女大十八變，細個包包面三角眼，但愈大愈靚女！

王祖藍、郭晉安

祖藍細個完全展現唔出現有特徵，招牌豬膽鼻和性感豐唇原來是長大後才慢慢形成的。

岑麗香

香香除咗有好愛佢嘅老公「強強」，仲有好錫佢嘅哥哥「澤澤」，香香之前都有喺社交平台po過同哥哥嘅合照，兒時香香又萌又神氣！

蔡少芬

當然唔少得《老表，畢業喇！》女主角蔡少芬，Ada張童年相雖然有啲發黃，但同依家都差唔多樣，冇乜點變，一樣咁精靈可愛！

羅蘭

唔少得觀眾好尊敬同愛戴嘅羅蘭姐，佢年幼時家境富裕，呢張相攝於佢5歲讀幼兒園時，同香香一樣咁神氣呀！

張繼聰

童星出身嘅張繼聰當然好可愛，大家耐唔耐都會喺啲舊劇中見到佢嘅演出！

湯盈盈

已為人母嘅湯盈盈真係由細到大都咁鬼馬，細個影張相都表情多多！

陳嘉佳

估你唔到嘅仲有陳嘉佳，佢細個嘅時候又瘦又萌，原來仲識得彈琴！

蔡瀚億

《老表，畢業喇！》今次加入新血，原來蔡瀚億由細到大都係咁斯文，以氣質取勝。

林欣彤

鄭欣宜

全港市民睇住欣宜大，睇住佢減肥，反彈再勇於做自己，就算肥姐唔再喺你身邊以後都要繼續為自己夢想努力！