張振朗馬實34D咪神陳芷尤 低調生日陪女友兼見家長
張振朗 《踩過界》床戰李佳芯
30歲 張振朗 近日憑《踩過界》做花弗私家偵探出晒位,在劇中更會同女神李佳芯有場激烈床戰, 張振朗 更大膽到連打李佳芯30下屁股,聽落都巳經㷫烚烚!令唔少人期待!拍劇夠投入,但現實中的 張振朗 對感情同樣投入專一,就算之前同拍劇演員龔嘉欣、陳瀅傳緋聞,原來全都係煙幕,跟拍拖三年女友34D咪神陳芷尤仲係熱戀期!
二人一齊過生日
雖然忙於拍劇,但七月二十日是 張振朗 生日,他就揀咗秘密陪女友Apple返新加坡見家長。「咪睇Owen外表好似好花弗,佢對女友其實好專一,佢一有時間就會陪女友,嗰次因為Apple在當地拍緊嘢,佢專登去探班,一齊過生日!其實拍拖都三年,佢一早見晒家長,呢次都順便去探下Apple屋企人!」但近日成為珍姐頭寵的他,被要求將戀情低調。「話晒上緊位,唔想畀人覺得佢只係掛住拍拖,公司講明要佢低調啲,最好少提拍拖嘅嘢!」知情者說。
二人秘遊法國、荷蘭
張振朗 接受本刊記者訪問,問到上個月係咪去咗新加坡?佢話:「咁都search到!(係咪陪女朋友陳芷尤返鄉下?)好朋友……去行吓咁!(有冇見到佢屋企人同朋友?)食飯一定有,都有見過嘅!其實因為佢喺嗰邊拍緊戲,我去探佢班,睇吓佢拍成點!」問公司有冇叫二人戀情低調?佢話:「公司唔會阻礙我拍拖,係畀好多自由我嘅!我哋係有共識低調戀情,我哋永遠覺得工作係行先,因為好怕出親嚟都被問拍拖嘅嘢,反而忽略工作嘅嘢,所以依家一定以工作行先!公司真係畀好多機會我,所以更加唔想人覺得我掛住拍拖!所以我哋成日都話大家係好朋友來囉!」
其實早在今年五月,二人已經秘密同遊法國荷蘭,一樣唔敢公開,可惜因為分別在lG打卡,就算只係放單人相,仍然被眼利網民踼爆!雖然拍拖避忌唔敢張揚,但好明顯34D咪神已經箍到張振朗實一實!男方就算同一班索女拍劇都成絕緣體!
14年仲係新人的 張振朗 ,同一齊在25屆藝員訓練班畢業的陳芷尤,就因同拍《愛回家》朝夕相對好快撻著,更極速在深井同居,但當時二人仍是新人,怕拍拖影響事業,當時被本刊斷正,二人亦只以大家住同一屋苑來解畫!咁又係,話晒畀珍姐點名力捧,一劇接一劇,張振朗點都要事業行先!
新一代34D咪神 陳芷尤
張振朗應聲彈出,相信陳芷尤出盡法寶都會馬實張振朗,不得不提陳芷尤身材真的十分火辣,又懂遊戲規則,按著公司指示跟張振朗相處,沒有太過出位的行為,實有機會拍住張振朗齊齊上位了。
七夕不忘示愛,不過小編還是離不開她的火辣身材啊!
不折不扣的美人魚,張振朗認真識食!
回眸一笑,真的魅力沒法擋啊!
真的甚麼造型都carry得起,不過可惜已經心有所屬了。
係仙氣,你們感覺到嗎?
高貴氣質造型,叫小編怎能不迷上你呢!