【藍橘子】《大家唔好再扮高品味話自己唔睇港產片、廣東歌了》
【藍橘子】《大家唔好再扮高品味話自己唔睇港產片、廣東歌了》
text-藍橘子photo-電影截圖﹑Youtube截圖edit:希彤
相信對於香港近年娛樂產業大家都有目共睹。
一班人自己唔睇港產片，連BT都嫌浪費時間。亦有人話廣東歌好難聽，跳舞又唔夠韓國團體勁，淨係會聽外國嘅歌。
當然，仲有好多人都話唔會開電視睇TBB，只係會追韓劇美劇。
其實香港一直以來都有抗拒本地產物嘅癖好，大家都話「來佬貨」先係正嘢，
要是以Made in China來作一個底線，Made in HK只係稍微高一級咁大把。
當『排斥本地作品，證明自己品味』成為潮流，本地創作無人支持，亦有網民反駁，如果香港創作有質素，我一定支持！但可惜吖～香港創作無料嘛。
但香港人係咪真係咁有品味咩？
最近，TBB《不懂撒嬌的女人》已成為大家茶餘飯後嘅話題，臉書幾乎每日都被劇中金句洗版，討論區每日都爆一個Post…
結論有兩個，第一個就係TBB拍嘅劇真係好有水準，高質過以往大家唔支持嘅電影、電視劇、歌曲…令大家都重新投入本地創作嘅懷抱。
另一個結論就係…好多人都口裏說不，身體卻很誠實。唔該各位唔好再扮高尚品味，睇唔起本地創作了。
睇番韓國，其實佢哋都好多低質嘢，一年出幾百隊團體，得幾隊生存到。再睇日本，每次有動漫真人化電影，拍出嚟結果總係慘不忍睹，特效同劇情都差強人意。
不過，喺日本嘅電影票房，本地創作一定係頭幾名，隨後先輪到荷里活大片。
香港票房一定爆嘅英雄片，去到日本一樣會輸畀本地電影。
就算你話要顧及中國大陸市場，迎合佢哋口味。不如睇吓韓國，以自己國民為先，去到中國一樣會爆紅。
香港十幾年前嘅天王巨星、電影…一樣喺香港受歡迎，先再傳入中國。
到底係無高質創作所以無人支持，定因為無人支持，所以無成本出產高質創作？
呢個永遠係有雞先同有蛋先嘅問題。不過可以肯定嘅係，香港創作工業，好需要一班盲撐嘅粉絲，佢哋先可以愈做愈好。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
