【張晨】《 微笑有時只是一種防禦機制 》
【張晨】《微笑有時只是一種防禦機制》
text:張晨 photo:電影截圖﹑Youtube截圖 edit:FF﹑希彤
內容由博客提供及授權轉載，不代表本刊立場
喺呢個社會耐咗，你就不自覺笑多咗。
當然，只係一種反射神經，而非發自真心。
有時一個陌生/唔熟悉嘅人走過嚟，下意識你都係保持微笑。
我哋稱為禮貌，但其實都係一種防禦機制。
當你喺呢個社會畀人跣得多，或者畀人用流言狠狠傷害過。
你就更加偏向掩藏真實嘅情緒，
因為你已經分唔到身邊有咩人，會利用你一秒嘅真情緒，去大做文章，將你塑造成一個怪人。
流言係一把冇弱點嘅大刀，
揮刀嗰個毫無責任；
中刀嗰個冇得上訴。
慢慢哋，我哋就會識得保護自己，
有啲人會用「攻擊」對「攻擊」，以暴易暴。
但總有人唔想咁攰，唯有做好「防禦措施」。
於是，佢學識咗笑。
笑未必等於係好人，笑得多甚至畀人話你「假」。
但「假」喺呢個殘酷社會，已經唔算係咩重罪，罪不至死。
如果一見到一個人，咩時候都會笑，唔代表佢好Nice、都唔代表佢好假，
只係佢好防範身邊嘅身物。
或者佢都收埋住唔少唔開心嘅故事，
當然，對住佢微笑嘅你，都傷過唔少次。
有人問我，點先知我冇防範住佢，點先知我當佢真心朋友。
其實好容易，如果我失驚無神喺你身前講句「X你咩」。
我相信，都對你放下咗9成戒心。
你知嘛，要搵一個可以肆無忌憚爆粗嘅對象，真係一啲都唔容易。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
