【藍橘子】《有種生物叫「 正能樣 」》

【藍橘子】《有種生物叫「 正能樣 」》

【藍橘子】《有種生物叫「 正能樣 」》

text-藍橘子 photo-電影截圖﹑Youtube截圖

內容由博客提供及授權轉載,不代表本刊立場

有一種生物,叫「 正能樣 」,好恐怖的!

話說,前幾年我去澳洲工作假期,就遇到一個天然系 正能樣 。

bkn-20150315230440892-0315_00862_001_07p

呢種人,會對你發放出由內到外嘅正能量,而佢哋講嘢係有一套方程式嘅,如果你想知身邊有冇「正能樣 」,可以嘗試睇佢講嘢有冇以下方程式:

0501f050-2133-11e5-ad06-ed8ab77e75dd_-

『好多人都咁咁咁,但我覺得咁咁咁,你都可以試吓咁咁咁,學我一樣咁咁咁。』

唔明?我舉一個呢位正能樣講過嘅例子。佢嚟咗澳洲工作假期幾年,而佢嚟澳洲主要目的,就係體驗人生。

可能你會覺得,體驗人生OK啊~無問題喎。但係,佢嚟澳洲幾乎長時間無工作,就算有…都係一星期一日嘅象徵式工作,

佢住嘅係單人房,食嘅係backpacker唔捨得食嘅嘢…而佢每日所做嘅嘢,就係不停搵地方去體驗人生。

有一晚,成班backpacker喺廳傾緊計,正能樣就用方程式發表偉論。

正能樣-藍橘子

「好多人都嚟澳洲賺錢返香港,但我覺得人唔可以為錢而活,應該嘗試更多新事物。

你都可以試吓,其實生活費唔需要好多,夠食夠交租咪得囉~學我咁,之前學完騎馬,之後會去學潛水,人生咁先夠豐富嘛~」

正能樣-藍橘子

或者佢講嘅嘢無錯嘅,問題只係佢會忽略咗自己先天優勢,就係屋企有錢、無負擔、唔使諗將來、唔使養家、唔使煩買樓…

pic5

當你嘗試解釋,話自己需要結婚、買樓、養家、搵份穩定工作時…

佢就會批判你嘅價值觀,話你係物質主義者,將你貶到同一堆雜質無分別。

佢自己呢,一早放棄晒物質誘惑,係最Pure 最True嘅存在,離地程度耶穌對落一級就係佢。

正能樣-藍橘子

人嘅邏輯思維主要分成兩種,一種係客觀分析,另一種係代入事主角度,有同理心地思考。而正能樣,就站於你頭頂去思考你嘅人生。

pic7

我返嚟香港之前,正能樣話要去學滑雪,唔夠幾日就消失咗。佢話到埗後搵到工作就當幫補洗費,搵唔到?i dont care~體驗人生先係最重要。

正能樣-藍橘子

本來諗住呢世都唔會再遇到呢個人,點知…

返到嚟香港一年後,我喺公司再遇返佢!

lovehm

而佢…一入嚟就成為咗我上司。因為佢老豆就係呢間公司嘅老闆,真係天意弄人。

正能樣-藍橘子

佢嘅性格一路都無變,每次紆尊降貴同班同事食飯,都會講返自己嘅澳洲生活,再用佢套方程式批評其他人。

「好多人都唔敢走出香港,但我覺得打死一世工無用㗎。你哋都可以放膽試吓,唔使好多錢,做人開心最重要,學我咁,就算今日我心臟病發死,我個人生都可以話係無憾!」

最抵死嘅係,正能樣除咗有錢,仲五官端正,一身古天樂膚色,張家輝身材。

不過佢無因此而自滿,仲經常喺facebook發文,幾乎每篇都係:「好多人話我有錢、話我靚仔、讚我大隻、贏在起跑線!但我想講!我係靠自己努力換返嚟㗎!」

lovehm2

有次,同事戴咗幾日口罩就畀佢發放正能量攻擊。

「你班後生仔,廿幾歲仔,八十歲身體!我覺得你哋要做多啲運動囉!」

正能樣-藍橘子

佢又指住一名肥毒毒話:「呢個世界無醜人,只有懶人㗎咋!以前我都好似你咁肥,成日畀人笑,

我畢業之後用咗三年時間,操到好似而家咁,注意返均衡飲食,每晚九點訓,第朝六點起身就落街跑步。而家我每星期都會去做gym㗎,其實你哋都可以㗎~不過好多人都懶咋嘛。」

pic6

個肥毒毒話:「吓…我畢業之後就出嚟做嘢,要還學費,同埋畀家用…」

tumblr_inline_oletooRjoq1u03abq_1280

1439897615_c9ae

噢,無論用咩原因,反駁佢就慘了。

「你咁樣咪一世打死工囉!好多人都話唔夠時間,要搵錢。其實只係你哋太物質化,我平時唔太洗錢,最緊要活得開心。真係唔夠時間嘅,咪搭的士返屋企囉,用錢嚟買時間,之後你會發現賺得更多!」

每次見到佢,我就會諗起電視節目「窮富翁大作戰」。捱過兩日苦,就對住個鏡頭講:「我會做畀將來個仔睇,自己daddy都辛苦捱過日子!」

而我相信,佢個仔將來睇到呢個節目,受到daddy啟蒙,長大後都會變成一個「 正能樣 」。

正能樣-藍橘子

YOU MAY ALSO LIKE ...