結束8年長跑 孫耀威 陳美詩 美國註冊結婚

流行娛樂

廣告

歌手 孫耀威 與女友陳美詩 (Macy) 拍拖八年,今年一直傳出兩人會結婚的消息,前日老孫出席加盟新唱片公司的記者會,記者會以「It’s My Day」為主題,似乎係佢大日子喎!大會先係發布同名的新歌MV,之後由老孫親自上台公布一個喜訊,原來佢同Macy已經喺美國註冊結婚啦!恭喜恭喜!

source- 東方新地 edit :Cherie photo-微博,facebook , IG,官方宣傳照

愛的故事完結篇 孫耀威陳美詩 美國註冊結婚

孫耀威 Macy 拍拖8年

今年44歲的老孫與36歲的Macy,不經不覺已拍拖8年,兩人公開戀情以後一直相當恩愛,經常都被追問幾時結婚!直至今年,不停有消息傳出兩人打算拉埋天窗,早前佢哋又發現去到澳洲墨爾本影結婚相。終於嚟到今日,老孫自己宣布喜訊!

宣布美國註冊

老孫前日下午出席新唱片公司的簽約記者會,大會先是播出新歌〈It’s My Day〉MV,之後老孫就上台表示有個人生的大消息要向大家宣布,就係佢日前已經同女友Macy喺美國註冊結婚!佢未有透露確實的註冊日子,不過就話已經唔係今年的事,而地點就係洛杉磯。佢仲笑說註冊當日太緊張張,連結婚戒指都唔記得帶!

三年前瑞士求婚

老孫接受訪問時,表示曾經有段時間唔太開心,覺得自己出道至今都好似冇腳雀仔四處漂泊,於是一次與Macy去瑞士旅行時,就喺一間對方好喜歡的甜品店,下跪求婚!老孫話原來已經係三年前的事,認真口密!

謝謝大家的祝福,我正式成為「人妻」了!😆😍😁大家可以看看我在孫耀威 Eric Suen 新歌MV裡面的另類演出! https://youtu.be/z7Pgm2AjtMQ #人妻 #唔易做 #但很正 A post shared by 陳美詩 Macy Chan (@macy222) on

 

感激太太不離不棄

老孫除了希望得到大家祝福,同時感激太太多年來對佢不離不棄,自己喺低谷時有對方扶一把。之後大會為佢送上結婚蛋糕,蛋糕上仲有Macy張相!

其實孫耀威與女友陳美詩(Macy)拍拖多年,屢次傳出婚訊,早前Macy的生日,孫耀威就為女友準備咗驚喜生日派對,更如同求婚派對,令一眾傳媒都追問他們是否已經有計劃步入人生另一階段,誰不知原來一早已經求婚相中見到兩人肉緊地咀咀,非常甜蜜!

孫耀威曾經在愚人節上載驗孕棒,表示自己升格做爸爸,雖然大家都當是開玩笑,現在證實兩人已經結婚,這條驗孕棒相當有可疑。希望Eric有好消息就儘快和大家公佈吧!

早前Eric去到瑞士探望妹妹的小孩一副慈父樣出曬嚟!相信他將來也一定是個好爸爸!