【Kobe】「非」常驚喜 估你唔到非洲旅遊靚景

生活

廣告

【旅遊生活大雜燴by Kobe】之前同朋友講要去兩個月非洲旅行,朋友聽罷大多有兩個反應。一,叫我小心一點,擔心非洲危險;二,反問我非洲沙塵滾滾,有甚麼好玩。說實話,未出發前我只知非洲可以睇動物,概念是黃沙一片,可能到處都是捱餓的「阿伊莎」。但非洲原來處處驚喜,朋友之後在社交平台看見我分享的相,更以為我去了馬代或澳紐。

非洲有54個國家,我只去了南部8國已目不暇給。鍾意睇動物當然啱去非洲,但就算唔計動物,以下幾類人士原來亦可考慮到非洲玩一轉。1)山系野遊人士;2)鍾情天然靚景人士;3)喜歡戶外刺激運動的人。朋友問,非洲天氣唔難頂咩?我覺得如果頂到澳洲天氣,去非洲應該沒有難度,但出門前記得記得記得帶備出行三寶─水、防曬及蚊怕水,否則後果自負。

我參加Overland Truck Tour,去到邊紥營紥到邊,露營當然是重點。當地其實有不少營地都有獨特靚景,我就試過在全球最多動物的國家公園、沙漠、全球最大三角洲等營地紥營,加上當地光污染極低,位於南半球重可以睇埋大小麥哲倫星雲,夜晚觀星一流,絕對是露營人士好去處。至於山系朋友亦可留意,坦桑尼亞吉力馬札羅,高5,895米,除了是非洲最高山峰,更是全球最高單一山峰。但說來慚愧,我自知沒能力完成,所以未有前往,但同行不少團友7日登頂都話一試難忘。

行山非我強項,但整個非旅行程唔少景點,卻令我重新認識非洲。第一個驚喜,是坦桑尼亞的尚吉巴島,它以出產香料聞名於世,但原來它的海岸線亦絕對不容忽視。粗略目測估計,尚吉巴島海水蔚藍度絕對勝過去年因保育已封島的渡假天堂泰國塔才島。靚之餘,平亦是重點。尚吉巴島對開海面為海豚出沒海域,當地有安排與海豚暢泳活動,都真心多海豚同你一齊游(https://www.facebook.com/KoBeWongK/videos/1654159481553632/),收費只約32美元,即約250港元,比新西蘭平7成有多。

唔想勞動,只想睇景,非洲亦不乏壯麗奇景。津巴布韋與贊比亞兩國之間,有全球第二大瀑布 ─ 維多利亞瀑布,闊度雖不及阿根廷的伊瓜蘇瀑布,但有人話維多利亞瀑布較為相連,壯觀程度更有過之而無不及(https://www.facebook.com/KoBeWongK/videos/1675408712762042/)。同樣「二奶命」的亦有全球第二大峽谷 ─ 納米比亞魚河大峽谷,僅次美國科羅拉多大峽谷。

非洲景觀中亦有「一哥」,博茨瓦納的奧卡萬戈三角洲就是全球最大內陸的三角洲,可以坐當地獨製的獨木舟穿梭河套之間,龍友實buy。至於點解我話喜歡戶外刺激運動的人都適合去非洲,下期再講。

唔係講笑,如果非洲旅行時帶唔齊出門三寶﹕水、防曬及蚊怕水,我勸你寧願返轉頭攞完再行。

非洲好營地唔難找,行程中有40幾日我都以營為家,但不少營地都有自己的獨特靚景。

非洲絕少光污染,又位於南半球睇到大小麥哲倫星雲,觀星一流。

於尚吉巴島與海豚暢泳,簡直「平、靚、正」。

論景點,非洲有很多壯麗奇景。吉力馬札羅、維多利亞瀑布、奧卡萬戈三角洲,全部都是世界自然遺產。

text-Kobe Wong

曾任職財經傳媒十多年

主理嘗滿‧SatisFactory私房菜兩年多

熱愛烹飪、熱愛旅遊、熱愛分享生活

識煮幾味又愛去旅行,同大家大雜燴分享一下

內容延讀︰

【Kobe】玩得貼地 蔗渣價錢非洲旅行團

>>LIKE我們fb<<<
www.facebook.com/newmonday.com.hk

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!