娛圈潛力股 5大CUTE爆星二代 逐個捉
text- SundayKiss／Cherie edit- Cherie photo- SundayKiss 、微博、instagram、部分由受訪者提供
5大CUTE爆星二代 逐個捉
周汶錡 囝囝Jacques
周汶錡（Kathy）同法籍老公Julien Lepeu嘅囝囝Jacques遺傳晒爹哋媽咪嘅優良基因，活潑又可愛，勁得人鍾意！Kathy每次上載Jacques嘅相或短片上網，都吸引唔少網民收睇，人氣甚至比媽咪仲要高，簡直風頭！
Jacques同爸爸Julien Lepeu餅印一樣
Kathy3月份誕下細仔Avner，榮升哥哥的Jacques急不及待同弟弟say Hello,網民見到都大贊可愛！
Jacques除了樣子可愛，模仿能力還很高，早前模仿袁詠儀的笑聲，冧到靚靚不知幾開心。
黃伊汶 陳國坤 囝囝陳真
黃伊汶亦喜歡在網上分享囝囝陳真的生活照，陳真深得型爸型媽真傳，擁有一對憂鬱電眼，一出世已經又型又Chok嘅陳真更不時chok爆擺pose，俘虜大批粉絲。
呢個眼神簡直係BB界梁朝偉，冇得輸，各位娛樂公司老闆，可以考慮下搵黃伊汶傾定合約，簽佢做藝人。
陳國坤不時都會充當太太和兒子的攝影攝，捕捉他們最自然的一面，每逢假期他們都會一家出外遊玩，拍攝不少美美的照片。
黃伊汶身材高挑，陳真遺傳爸爸媽媽的優良基因，身形，樣貌都占盡優勢。
BOB
「絕世好爸」林盛斌（Bob）家有太太及三名愛女霏霏、熹熹和機機，已分別近9歲、5歲半和2歲半，三個女之中，Bob發現大女兒（霏霏）對演藝最感興趣，二女（熹熹）和機機（細女）對鏡頭亦敏感，Bob閒時喜歡為她們拍下短片留念，一舉手機她們就會整古做怪；之前又帶過一家人拍廣告，囡囡都交足戲。Bob覺得三個女都有演藝天分，或許將來有機會入行，「希望咁多位老闆多多關照啦！」
日前Bob在社交網站表示有位網友向他留下侮辱性留言傷害他及家人甚至用語言攻擊他女兒的外貌，EQ甚高的Bob並未與網友硬碰，但即時出言力挺家人，獲網友力撐！
3個囡囡都同阿BOB好相似，面圓圓眼大大很可愛！
細女機兒小時候，更被網友形容為BB版周迅，絕對是個美人胚子。
錢家樂 湯盈盈
湯盈盈早年先後為老公錢嘉樂誕下大女錢凱晴（Alyssa），以及細女錢凱琪（Kassidy），大女Alyssa完全遺傳爸爸的最強基因，一雙小眼加上面圓圓，被指五官似足爸爸，猶如餅印「小嘉樂」
其實看看這張照片Alyssa 越大越似媽咪，尖尖的下巴，笑容與媽媽也很一致。
雖然有網民笑Alyssa樣子與爸爸相似，不過Alyssa是名符其實的開心果，平日活潑好動，連身手也似足爸爸。將來要走演藝圈這條路也不太難。
鄭希怡 梁儲學 梁浸浸
鄭希怡（Yumiko）不時會將囡囡（梁浸浸）嘅生活點滴同網民開心Share，梁浸浸可愛的樣子大受網民歡迎。
早前Yumiko在網上曬自己兒時的照片，差點讓網民誤認為是梁浸浸，梁浸浸簡直和媽媽小時候一模一樣。多麼強大的基因啊！
梁浸浸非常有自己個性，與一般的小朋友不太一樣，這也是她深受網民喜愛的原因。
王浩信 陳自瑤 囡囡QQ
爸爸王浩信高大靚仔，媽媽陳自瑤又靚又索，囡囡點會唔靚啊！4歲的QQ盡得爸媽真傳，眼大大咀細細，相當標緻！難怪早前王浩信出席活動，被問到會否生多個時話：「老婆品種優良，我會好好把握。」
快將5歲的QQ越大越標緻，一副小美人胚子已經顯露無疑，相信大了之後，一定拍得住媽媽！
