【藍橘子】《結婚擺酒，真係會令夫妻關係破裂…》
【藍橘子】《結婚擺酒，真係會令夫妻關係破裂…》
一段關係，由表白成功、拍拖、求婚、影婚紗相…都無人管你。但好奇怪，當你結婚呢個消息傳咗出去，就會自然變成一大班人嘅事。
Text- 藍橘子 Photo-TVB官方劇照
內容由博客提供及授權轉載，不代表本刊立場
無錯，你班親戚會彈出黎攞景贈慶。
你個二叔，你大學畢業佢無出現、你搵工佢無幫手、你失戀佢畀唔到意見…但你結婚，佢衝出黎第
一個恭喜你，然後問你幾時擺酒！
當然，仲有其他唔太熟，一年見得幾次，你都未搞得清佢哋點稱呼嘅親戚，佢哋都會話「大個仔喇
，終於見到你結婚，我好安慰。」猛叫你快啲擺酒，記得請佢。
「雖然我結婚，但我唔擺酒！」當你向親戚宣佈，佢哋個樣仲震驚過世界要末日。
「吓？！人生大事點可以唔擺？」二叔啊，正因為係人生大事，我先唔想呢個咁美好嘅日子留下一
個壞嘅回憶。
「過幾年你實後悔啊！」三姨太啊，如果擺酒我成世人都會後悔。做場馬騮戲，又播埋啲咩童年片
段，仲要成舊木咁被你班人輪流影相，啲合照我唔會睇，你又唔會睇…我都一定會後悔！
「你結婚你屋企人都有份，呢啲錢唔慳得㗎一世人一次！」四姑媽，我會請家中兩老食飯，我慳返
十幾萬去旅行兩個人食飯、啪啪啪、訓覺、啪啪啪好過啦。
曾經一位朋友擺酒我做兄弟，佢為咗呢場show，搞到有情緒病，仲同老婆鬧過幾次交。
佢份工搵得唔多，座位有限，兩邊父母都要面子，爭幾多圍已經炒一次大鑊…到魚翅問題，我朋友
覺得食翅好殘忍，但父母一句「結婚一生人一次，你無條翅畀人食，畀其他人背後講閒話啊！」
仲有日期、地點…雙方家長都各有要求，最終，經歷過無數次鬧交，呢場show終於都擺得成。
當日，我朋友見到班完全唔熟嘅親戚，到達酒樓一刻就興高采烈咁打麻雀，然後播濕鳩童年片段，
玩埋啲無聊遊戲，證婚一刻台下大嗌「咀佢！咀佢！咀佢！」好似從未見過尺度咁大嘅場面咁。
其實呢個年代，尺度更大嘅事喺結婚之前已經做過晒，無必要大驚小怪。
「旅遊巴黎咗喇～」喺大家爭執緊邊個拎啲食唔晒嘅伊麵壽包返屋企嘅時候，酒樓侍應喺度大叫。
我朋友話，因為佢老婆有班親戚喺鄉下，要租架大巴落黎飲，食完飯送返佢哋上去…
重點係，租車錢由佢負責！
唔怪得當晚，我朋友完全無笑過啦…
見住呢班用你錢又食又拎嘅人，仲要做馬騮氹佢地開心，點笑得出？
結婚係一件甜蜜幸福嘅事。但擺酒就未必係…
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
