流行首爾

Blogger

廣告

【Trend’s Like Wind by杜如風】相信在這篇專欄刊登時,小女的翡翠台全新節目《流行首爾》已經播到一半了!

大家的看後感如何呀?我只希望不要收到太多封投訴信就滿足了!

不過,這次是小女首次跟TVB的大crew拍攝,2部大機、1部細機、導演都有2個……加加埋埋成10個人,起初真的不習慣:「都唔知望邊部機開口講嘢好!」導演又提提我:「上頭出發前提醒我,叫我唔好俾你玩咁癲,始終係免費電視台,驚你嚇親班師奶呀!你做返自己,開開心心咁就得0架喇!」

「你知唔知我哋剪你條片剪得好辛苦呀!又要就上頭喜好,又要就你啲fans,重要就唔識你嘅普羅大眾,真係好難搞!」「我大概都明白嘅……不過我又覺得唔使太在意啲人點諗嘅,全世界嘅人意見都唔同,冇可能我可以取悅所有人!」

所以做回自己就最着數!因為世上只有1個我,每個人都有不同的characters,這是天賦的,你抄我、我抄你,只會失真!

小女就是不想失去那份自我、那份真,所以,無論出來的效果如何(當然,善意的批評,我一定會接納和改進),我也不會為別人而改變自己的(除了減肥!唉)!

text-杜如風