回憶總是美好的 細數那些年的7大TVB經典男角色

text: Cherie ｜ Photo/Video: 劇集截圖 黎明官方facebook

細數那些年的7大TVB經典男角色

1. 鄭少秋—丁蟹《大時代》1992

秋官除咗演風度翩翩的大俠毫無難度，也將丁蟹這個狂人的角色演繹的淋漓盡致，丁蟹可以說是《大時代》最強金句王，當代的CAP圖神劇首選。丁蟹狂躁、暴力、神經質，活喺自己的世界入面，是非黑白顛倒，扭曲道德觀念，絕對係電視史上最經典嘅人物之一！

除了角色深入民心外，劇情也帶給觀眾無限聯想，每逢有鄭少秋的劇集上映時，同一時期的香港股市很多時就會出現下滑，令市民大為擔心，丁蟹果然係一個令人又愛又恨的名字。

2. 黎明—原振俠《原振俠》1993

1993年播出的《原振俠》都可以話係黎天王喺大台的代表作，俊朗不羈的外表，身手不凡完全配合黎天王的形象，各大年齡層的女士都會被Leon迷倒，加上劇情集科幻，懸疑推理，浪漫一身，以及與4大美女李嘉欣，王菲，朱茵，洪欣的感情線錯綜複雜，每晚播一集實在覺得到喉唔到肺。

當年Leon 同大美人李嘉欣有傳因為合作呢套劇假戲真做傳出緋聞，還都被影迷視為最登對的螢幕情侶

就算你冇睇過套劇，主題曲《願你今夜別離去》你點可能冇聽過啊，睇演唱會實識跟住唱。

3. 張衛健—孫悟空《西遊記》1996

此劇首播時創下高達44點的收視紀錄，更成為當年收視最高劇集。由張衛健飾演的孫悟空活潑搞怪，令佢嘅演藝事業再次上到一個高峰，當中經典對白「YO！取西經！使乜驚啊！」成為當年香港人的口頭禪。不過因為呢個角色太深入民心，之後張衛健離開大台出外闖蕩時居然遇上對他說『記住，你的臉上沒毛呢，你是不值錢的！」的監製，令他一氣之下將頭髮剃光。

其實健仔也拍過很多經典電視劇，在小編心目中他的臉上有沒有毛也很好戲。

4.吳啟華—程志美 《妙手仁心》1998

由吳啟華飾演的程至美醫生醫角色性格隨和沉默，做事認真及自信，對感情專一，廣受女性觀眾歡迎可以話係當年的暖男代表，令其演藝事業攀上顛峰，更奪得『我最喜愛的電視角色』，雖然吳啟華以前的劇集角色多為反派，甚至參演過三級片，不過呢個角色絕對令佢成功洗底，成為最受歡迎男藝人之一。

當年的程志美醫生溫柔細心，現在的OPPA可能也要跟佢學翻幾招

5.黃子華—余樂天《男親女愛》2000

子華神將角色市井，古惑刁鑽，口花花的特色演繹的入型入格，和鄭裕玲鬥氣冤家的感情戲份尤其令大家驚喜，此劇更創下在非黃金時段最高收視，平均47點、最高50點的收視紀錄。

另外劇集中也出現不少金句：（就算時代唔同咗都一樣咁啱聽）

由子華神主唱的主題曲《藍天》大家又點可能唔識唱呢！

6. 古天樂—項少龍 《尋秦記》2001

《尋秦記》係古仔喺TVB比較後期的作品，穿越的劇情在當年都是十分有新意和破格，不過當然大家最關心的還是項少龍的感情線啦。更有人形容呢套劇係古仔成功塑造出最有個人特色的一個角色，亦係變黑後接拍的古裝劇！

曬黑後得古仔又型又陽光，小編一邊搵相一邊隱藏不住自己的心心眼。

隔咗16年，古仔一樣好似食咗防腐劑咁靚仔觀眾相信《尋秦記》開拍電影版大家依然好期待古仔可以再次飾演項少龍一角。

7. 郭晉安 —丁常旺《戇夫成龍》2002

安仔在TVB參演超過50套電視劇，攞過三次視帝，演技不用置疑，丁常旺的對白充滿童真，同宣萱飾演的凌彩鳳相處過程笑料百出，最經典當然就係同「老婆仔」玩「洞房」。安仔精湛的演技大受觀眾歡迎，就係憑這套劇奪得首個視帝獎座。

劇集熱播時小編身邊總有幾個朋友鍾意學阿旺講野，你地又有冇試過呢？