做隻文青狗狗！放假同汪星人主子出發去玩喇！
Text：Zoe
Presented by：文青狗狗藝術展
乜嘢係文青狗狗藝術展？
香港地少人多，想同狗狗搵個舒舒服服嘅地方歎吓玩吓都好困難。因此文青狗狗藝術展就參考英國早前舉辦嘅狗狗藝術展，提供了嶄新嘅平台，特別設計了多個不同嘅藝術裝置，等主人可以忙裡偷閒，花多點時間與狗狗嬉戲，狗狗心情好，身體自然更健康。呢個假日就同主子一齊大玩特玩，開心歡度周末喇！
5大狗狗必like區
必玩1：狗狗藝術展
狗狗都鍾意欣賞藝術品架！根據獸醫專家意見，藝術畫作能抒緩主人嘅情緒，動物亦能感受到主人的心情。所以今次特別邀請了5位本地藝術家參展，展出 5 組作品，七彩顏色畫作畀人類奴才欣賞，並以狗狗嘅視覺光譜創作一幅畀狗狗主子欣賞嘅畫，等主人藉此機會了解一下主子嘅視覺世界。
必玩2：狗狗嘉年華
出得去玩梗係要玩盡佢！狗狗嘉年華設有多個精彩遊戲攤位，有考驗狗狗嗅覺嘅狗狗嗅覺大測試，同場又有訓犬師聽吓大家喺飼養狗狗有乜問題，為你提供意見，等你同主子相處更融洽開心！亦有寵物美容護理示範同介紹～記住去埋「羊毛氈工作坊」，即場試吓用羊毛氈做個同主子一樣可愛的小狗頭！
地點：赤柱廣場美利樓地下
日期及時間：3月18-19日下午1時至5時
必玩4：舞台活動
喺3月18號中午開始，就有一連串好睇又有用嘅表演項目，啱晒各位奴才睇架！香港寵物營養學會會長劉潤餘先生會同大家分享homemade鮮食有乜要注意嘅地方，同homemade 鮮食嘅好與壞，等你嘅汪星人食得健康又有益。仲有ISAC同大家講下動物傳心，點樣可以唔使用任何道具，靠自己都可以利用傳心術同你嘅汪星人進行簡單溝通。狗狗最想玩就梗係「狗狗競技賽」，多個遊戲考下狗狗反應、速度同定力，睇吓你嘅主子夠唔夠醒目！此外，亦有訓犬師同大家分享訓練狗狗的方法同心得，想屋企個主子又乖又聽話，就要留意喇！
設計概念：臘腸犬的腿很短，每每與主人交匯目光時都會很吃力。同樣是由於腿短，在攀爬桌椅時也要煞費周折；身體過長，爬台階時容易造成腰部扭傷。這個斜坡樓梯裝置就可以解決這問題, 讓短腿狗狗也能爬高與主人對視。
設計概念：登上微型隧道中的台階，恰好與人類以最適合的高度相對。主人坐著便可與小狗對視。
特別推介：健力士世界紀錄挑戰賽
想唔想主子喺健力士世界紀錄留低大名呢？喺今個星期日（3月19日下午3點至5點），會有個「最長人形立板紀錄挑戰」，齊齊來幫手創造紀錄，狗狗仲可以為自己嘅人形立板蓋上掌爪作「簽名」紀錄呀！
記住換埋：精緻「手印印相架」
玩得咁開心，當然要留住呢個美好回憶喇，去到記住要換番個精緻「手印印相架」，有個靚靚相框套裝配以印泥台，即刻幫主子印番個靚掌印先得！消費滿HK$600就可以換到，限定300套架，先到先得呀！
交通安排係點？
同主子去街街，最驚就係無車坐，巴士、地鐵又話唔畀，的士又貴，好彩文青狗狗藝術節主辦單位好叻叻，幫我哋安排好「99巴士」，奴才我就唔使咁擔心，可以舒舒服服去街街！詳情睇呢度：www.99bus.org
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
