鐵飯碗人工高!做護士的女仔娶得過

鐵飯碗人工高!做護士的女仔娶得過

人哋話娶個做銀行嘅女仔係理想,計我話如果娶到個護士做老婆或者嫁到個男護士就更加係所有人嘅終極夢想!

Text: 經濟一週|Photo:劇照

1. 做護士人工高可以幫輕家庭負擔

2
護士每日都要清楚記錄病人的情況。

人工方面更加唔洗講,睇返公立醫院護士起薪點水平都過25K,絕對是高薪一族,仲未計成日超時補水添!兩公婆有多啲閒錢過好啲嘅家庭生活,甚至買車仔或者上車都仲得!

2. 鐵飯碗

nur1
大部分護士都是屬於政府工~
8
遇上好的護士長更幸運~

嚟緊人口老化問題持續,人口政策表現又麻麻,相信醫療服務需求仍然只升不跌,因此身為專業嘅醫護人員,絕對唔洗怕無工開,可以敵過任何經濟大風浪。

3. 無時間洗錢

yiu
全心全意照顧病人﹗
5.
可能有時都會受委屈,伴侶要好好安慰他們~~~

醫生要on call 36,你估護士唔洗咩?小編當然唔係覺得超時工作係好事,不過咁,工時長變相你都無乜時間洗錢,想唔慳家都唔得啦。相信對於醫護嚟講,需求最大就係張舒適嘅床,而床呢啲又係長線投資,唔洗成日換,相信都洗唔到咩錢。

4. 唔驚佢識咗第二個

11
基本上上班已佔去每日的時間。
111
有時間就去醫院探護士女友班吧。

nur3

同上,工時長壓力大,同人傾句偈嘅時間都無,仲邊度得閒同第二個培養感情?唔係話做親護士都係專一好寶寶,但係佢哋真係唔多得閒同你玩花心……

5. 抗壓能力高

mcome
護士也要學懂控制自己的負面情緒。

nurse

日日返工都如上戰場,每一個task都爭分奪秒,仲成日要解決埋病人家屬嘅迷思同怒火,加上生老病死都經歷過哂,仲有咩難到一個護士?除非你話個護士日日返工都hea do又卸膊嘅啫!但喺咁大壓力嘅環境下,相信要搵到個hea嘅護士真係難過大海撈針,你咁都撞中就…… 認命啦。

6. 有咩緊急事故都識得冷靜處理

1
可以安心比護士伴侶照顧。
55
記住要多體諒護士﹗

緊急事故當然係講有關醫療方面架啦!唔通護士們返工咁辛苦你仲要佢哋有埋水電裝修通渠等專業技能咩!好明顯,呢樣嘢當然唔難解釋,護士嘅專業就係急救,有個護士做你嘅人生伴侶,你可以安心畀佢照顧你嘅傷患處,因為一定係最妥當再加多一倍嘅貼心嘅:)Kind of sweet, you know. (JM tone)

如果你搵到個護士老婆,唔好因為佢人工高可以幫輕頭家就鬆懈,反而要記得發憤圖強,因為喺佢有咗BB嘅時候,可以即刻劈炮唔撈,好好休養生息而唔洗陀住BB受啲病人同家屬嘅氣同壓力呀:)
nurse

men
BTW,嫁個護士做老公都一樣可享有以上福利,相信護士老公仲零舍MAN添!

內容延讀:
他們萌極了!2017韓劇男女主 最萌身高差
>>> LIKE我們fb <<<
fb.com/newmonday.com.hk

YOU MAY ALSO LIKE ...