《 親親我好媽 》怪獸家長社會縮影! 1個月4學生跳樓

流行娛樂

廣告

年假後,24小時內2名分別為13歲及16歲的學生跳樓自殺。聽到這些惡耗,心痛不已。審視香港的教育制度、師長的教學手法及家長的養育方法,不難發現時下均以「學術成績」定形小孩的能力,甚至已灌輸「成績就是一切」的想法予孩子,令他們壓力非常大。無線《 親親我好媽 》中也有怪獸家長以及教育制度造成的問題,確切反映了社會。

text-bao photo-網上圖片、myTV截圖

過年後24小時2學生跳樓

2月5日,1名中4男學生在馬鞍山利安邨墮樓死亡。

2月6日,13歲女因生活不開心於青衣墮樓。其母於路祭時哭呼:「媽媽唔鬧你呀,返嚟啦!」

教育局堅稱制度沒問題 反指傳媒渲染

面對不斷有學生自殺身亡,教育局指在過去已成立委員會研究,結論並無顯示自殺與教育制度有「直接」關係。並指出自殺有「連鎖效應」是因為傳媒報道…..不過眾所周知香港學生壓力大,DSE「一試定生死」、TSA又加重學生負擔,學生面對的功課、考試壓力極大。似乎政府不願「正視」問題。

《 親親我好媽 》怪獸家長揭壓力或來自家長

報讀兩間幼稚園

為讓子女能考進心儀小學,家長們可謂無所不用其極,劇中的江美儀日常生活中亦不忘訓練女兒Venus,如飲水時唔可以話飲的是「水」,而要講「H2O」…… 另外又幫個女報讀兩間幼稚園,上午一間下午一間,佢認為每間幼稚園都有唔同優點,教育方式亦有唔同,希望女兒可以通通都學晒。結果江美儀自己都搞亂了,幫Venus着錯校服,要即刻喺車上更換!

Portfolio很重要

小學面試競爭激烈,小朋友要成功突圍,唔少人認為一份優越的個人資料夾(Portfolio)能增添不少分數。劇中黃智賢每月的收入全都要上繳江美儀,自己就得老婆分配的少少零用錢,全因大部分收入都花喺女兒身上,報讀各式各樣的興趣班及補習班,就算通宵排隊報名都在所不惜,就是為讓女兒多幾張證書,Portfolio靚啲。

家中一字馬特訓

米雪在劇中飾演江美儀的母親,是一著名芭蕾舞學校校長、一位貴氣逼人的女士。佢唔鍾意孫女叫自己「婆婆」,而要叫「Grandma」;又唔俾孫女抱緊自己,怕自己件靚衫會整皺,寸到呢!米雪就認為Venus天資不足,拒收佢為學生,不過江美儀就不服氣,喺屋企幫Venus進行特訓,於是又係苦了女兒……

生B不忘求校長

劇集末段,終於到了Venus小學面試的大日子,Venus本來表現不俗,但忽然想起之前目睹一位小朋友因不適而被媽媽責備,故大哭起來。兩夫婦安撫無效,校長唯有請他們離開,面試以失敗告終。江美儀心有不甘,事後苦苦哀求校長再俾多次機會。

眾人爭論期間,江美儀突然肚子作動要生BB,但佢仍不放過一絲希望,一直捉緊校長麥玲玲隻手,送院期間一邊痛一邊繼續要求對方俾機會,真係令人深深感受母愛的偉大…… 最後校長在醫院飯堂同Venus再作一次簡單會談,而江美儀亦母女平安,開心晒!