《致命復活》致抑鬱 郭晉安自爆瞞老婆食藥

流行娛樂

廣告

台慶劇《致命復活》近日成為全城熱話,主角 郭晉安 (安仔) 在劇中被困荒島山洞十年,逃脫回港後卻發現事件並非意外,而是有身邊人在背後策劃!於是觀眾們晚晚緊貼劇情,熱烈猜測誰是幕後真兇!劇中安仔的角色非常突出,先是過着十年非人生活,回港卻發現已失去一切,佢自爆拍劇時因太投入角色而長期抑鬱,時刻累積哀傷,更瞞住老婆歐倩怡食安眠藥!

資料來源:東方新地

極限演出

自2015年拍畢清裝劇《末代御醫》後,他磨劍接近一年,就係為壓軸台慶劇《致命復活》做足準備!劇中安仔在越南慘被綁架,之後更意外被困在荒島山洞逾十年,為保命連生吞毒蛇及青蛙都在所不惜!為演好這個角色,安仔開鏡前地獄式減走20磅,而每次化身披頭散髮的野人,都要化妝逾兩小時!

安仔最後雖成功逃離荒島,但回到香港後卻發現自己已失凡一切︰摯愛的老婆已改嫁、親生兒子視自己如陌生人、公司股份被吞併,由天之驕子跌進地獄。其後更發現綁架事件原來係有身邊人暗中策劃,於是為追查真相漸漸踏上復仇之路!

難以抽離角色

「韋逸昇」這個角色如此複雜,相信是難以抽離?經驗豐富的安仔亦坦言難度非常高,所以當時決定唔抽離!佢表示放工返到屋企就即刻瞓覺,但由於拍完戲整個人會十分亢奮,所以就只好食安眠藥。安仔更自爆唔俾太太歐倩怡知道,怕對方擔心!

安仔又回想起拍攝期間,每次在電視城泊好車後便會自動入戲,行入廠時「韋逸昇」就走進自己體內,會不期然想起自己曾被困在山洞十年,好想大哭一場!但安仔堅持唔讓自己咁做,因為一喊個人就會落晒形難以工作,明副其實係「眼淚肚中流」!

睇好王浩信奪視帝

另外適逢《致命復活》大結局將在《萬千星輝頒獎典禮》前一晚播出,故不少人認為此安排有助安仔四度問鼎「最佳男主角」!對此安仔表示都要觀眾欣賞劇集、睇得投入,唔係大結局日子接近頒獎禮就可以贏,佢相信觀眾會公平公正地投票。

安仔睇好邊個奪今屆視帝?佢就認為係《致命》的好拍檔、《EU超時任務》中飾演「渠頭」的王浩信!佢表示支持王浩信並非因為曾合作,而係覺得對方十分用心演繹「渠頭」這個角色,演出相當有層次!

 

關鍵詞
郭晉安