《致命復活》陳庭欣慘遭姦殺 棄屍荒野

流行娛樂

廣告

由視帝郭晉安擔正的慶劇《致命復活》,講述安仔被困在荒島山洞10年,平安脫險後發現自己被陷害的真相,於是一步步展開復仇大計,猶如TVB版《復仇勇者》!

而《致命復活》昨晚一連播出首2集,不過亮點反而係另1索女演員 陳庭欣 ,因為佢慘被先姦後殺,後來棄屍荒野,出現了1集就byebye……

資料來源:東方新地

劫後重生

劇集一開始就見到安仔被困在一山洞裏,披頭散髮目露凶光,壓根兒就係個野人。而山洞中任何出現的生物都可以成為食物,其中一幕安仔生食青蛙,撕下一條蛙腿果腹,睇到觀眾心寒!

之後鏡頭一轉回到十年前,原來主角安仔係一名企業醫生公司的掌舵人,專為其他公司解決經營上的問題。一次安仔與下屬王浩信及陳庭欣到到越南平息一宗勞資糾紛時,三人卻因得罪當地犯罪分子而被綁架,兩男更被綁在椅上毒打至滿身鮮血!

「一秒強姦」再現

安仔與王浩信雖然被打到不似人形,但同樣被綁架的陳庭欣,下場就更加淒涼… 陳庭欣有靚樣有身材,綁匪當然唔會毒打佢。見到陳庭欣手腳被綁瞓在床上,邊流眼淚邊慘叫,然後綁匪一步一步走向佢…… 睇慣大台劇的觀眾都知接下來會發生咩事,就係大台劇最出名的「一秒強姦」!鏡頭一黑,咩都睇唔到,完。

慘遭姦殺烏蠅身上爬

後來安仔及王浩信成功逃脫,但途中見到陳庭欣已經慘死,被綁匪棄屍荒野!見到衣衫不整的陳庭欣滿身鮮血及傷痕,身上更有烏蠅爬來爬去!唔少觀眾大讚陳庭欣呢一幕演得專業,但其實,隻烏蠅可能係電腦加工?

晒身材 晒到盡

雖然強姦情節得一秒,而且出場一集就死,不過陳庭欣都成功令觀眾留下深刻印象!其實佢搏命的又點止演技,晒身材方面同樣咁博到盡!陳庭欣近來出席活動時例必性感撩人,在大台一眾索女、咪神中亦毫不失色!

游水要露肉 玩遊戲亦露肉

另外陳庭欣都愛分享泳衣照,好波不妨一睇再睇!

大家以為上遊戲節目冇機會露肉,咁你就太年輕了!陳庭欣在昨晚一集《我愛香港》中,玩遊戲時為了傳神演繹出「捉姦在床」,竟然揭起上衣露出小蠻腿!希望小朋友唔好有樣學樣……