聖誕唔一定要唱聖詩 10首必聽非一般嘅聖誕歌
10首必聽令你非一般快樂的聖誕歌
Mr.Bean做指揮
向來行為出眾的Mr.Bean來到聖誕節就當然為大家整返首歡樂無窮的聖誕歌啦!唔使多講,由Mr.Bean做指揮嘅聖誕樂曲大合奏,唔止帶到聖誕嘅歡樂氣氛俾你,直頭笑到碌地!
<Jingle Bells>
Joker被Batman送咗入監獄,聖誕節以為佢改邪歸正同其他囚犯一齊唱聖誕歌啦,點知佢將聖誕樹變成…
<慈祥鵬過聖誕>
黃霑填詞叻大家都知,其中1個最大因素係因為佢啲詞諷刺時弊夠入肉,而且前瞻性強。而佢喺1989聯同另外兩位詞王林振強同黎比德一齊玩,出咗隻《香港Xmas》嘅碟,3大詞王發功串盡89民運,但估唔到啲歌詞而家都啱用,好似改編自<Joy To The World>嘅<乜鬼都買>﹕「乜鬼都買,好鬼高興,Christmas,Shopping!Shopping!1997一早註定,新衫新表應早買定,莫待日後賣清,到時頭暈頭㷫,買件油多都要話睇身分證……」嘩!啲詞簡直係香港自遊行嘅預言。呢首歌已經喺網上搵唔到,我哋搵有聽由林振強填詞嘅<慈祥鵬過聖誕>,睇下佢點樣串爆當時嘅總理李鵬(改編自<The Twelve Days of Christmas>)。
<メリー・クリスマス>
Line朋友仔唔係好出聲,只係得音樂襯托下,Brown、Cony、James同Moon搞笑過聖誕!
<The Avengers Sing Christmas Carols>
嚴格嚟講,呢班超級英雄唔係唱歌,係網民將各套Marvel電影嘅對白剪輯成聖誕歌,最神奇係聲調夾到絕!
<Eric Cartman Singing O Holy Night>
《衰仔樂園》出晒名行為賤格,今次茂利光棍過聖誕節,歌詞悲傷但又好好笑,有香港網友更為歌曲配上廣東話歌詞,雖然有少少唔岩音,但勝在夠低死!
<Rap Now 2010>
MC Jin x Bow Tie嘅2010年聖誕力作<Rap Now 2010>,原作MV已經夠好笑,大家可以搵網上嘅惡搞版就更加爆笑。唔知689會唔會搵佢個女齊昕一齊rap番首……
<The Best Christmas of All>
迪士尼人物「晒冷」嘅聖誕歌,真係好少見,而且好聽到震!
<This Is Halloween>
我知我知,呢首唔係聖誕歌嘛!但有睇過《怪誕城之夜》嘅朋友,就知道呢首歌同聖誕有密切嘅關係,可以話係聖誕味濃嘅萬聖節歌,又或者萬聖節味濃嘅聖誕歌都得……
<聖誕節?那是什麼?好吃嗎?>
1首講出單身男士對聖誕節嘅「葡萄」,充滿怨恨、妒忌、哀怨嘅快歌,酸味太強,絕對唔適合單身嘅你收聽。
<Minions Sing Jingle Bells>
最尾當然要俾返呢班Minions嘅合唱片段俾你哋睇啦,好可愛,又好有節奏感,最後砌棵聖誕樹更係一絕,唔怪得會hit爆網絡啦!
有沒有關於香港的有趣盤點?
香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?
有甚麼必學生活小智慧?
天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法及7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!