《 城寨英雄 》結局篇劇情 爛賭發打極唔死咩玩法?

流行娛樂

廣告

《 城寨英雄 》熱潮keep住起,今個星期終於來到結局篇,大家不斷估到底誰是終極boss,劇中更日日都有人死……至不過,真係咁多人死,但衰到冇人有的爛賭發(魏惠文)偏偏唔死,更老是常出現,莫非又有驚人的秘密?

text-aMan(ig:amanachiu) photo-網上圖片

爛賭發戰鬥力強?

先有小智慘被炸死、段家牙醫診所遭滅門,接下來連花曼及龍城虎都會相繼被天干(歐瑞偉)殺死,搞到人晚晚都要拎住紙巾睇電視!終極Boss咁好打,唔通最後真係要三姨婆出手?而早前TVB官網上載了城寨英雄的攻擊力指數,令一眾觀眾和網民都議論紛紛,有網民更進一步分析各位英雄的防禦力,當中更有數據指出,只有只有爛賭發可與楊老闆匹敵?堅唔堅呀?

爛賭發

人如其名,為了賭本,不惜四處求人,還賣去女兒。但最厲害的是,每次被人打得頭破血流,之後都沒有任何事,繼續賭……難怪亦有人懷疑他是終極Boss!

楊老闆

最強打手,不但將柯萬長打死,又和甲辰一夜KO段家師兄弟,是高手,高高手!

Wiki爆爛賭發係救世主?

最近就有網友發現,在「維基百科」中,爆出一個驚人消息,指《城寨》大結局中天干同眾人決戰後只係受重傷,負傷離開時就被爛賭發以手杖擊斃……

《 城寨英雄 》真的為大家帶來不少話題,就連終極Boss都日日有驚喜,所以原來有打極都唔死爛賭發成為堅城寨英雄……?不過提提大家,由於維基百科的資料大多都接受用戶編輯,或者認真,你就輸了!