Emoji成日用,但呢16個秘密,你一定重未知?

流行娛樂

廣告

電話日日用,大家肯定自認對Emoji熟到不得了!其實,有啲Emoji你會唔會誤會咗意思?以下呢16個Emoji秘密,大家知道真相後係咪覺得好搞笑呢?

text-譚大偉

1)我哋成日用嚟表示幸褔嘅呢家人,原來冇眼珠㗎!望望下,我覺得有啲心寒⋯⋯

 

2)鎖匙上面個號碼,原來現實世界真係有呢個型號,大家不坊試下去配返條。

 

3)其實呢個樣唔係喊,又唔係眼瞓,其實係流緊鼻涕喎!大家唔好亂用啦!

4)你知道嗎?7月17唔係代表王家衛生日呀!其實呢日係Mac嘅iCal首次發佈日。

5)其實,我成日都唔知呢條友搞乜,以為佢諗嘢諗到個頭咁多點,原來佢係鞠躬。

 

6)有冇留意呢間教會,有彩繪嘅玻璃窗?不過,我想問個心心係點解?

7)自從iPhone出現後,Apple影響咗全世界人類嘅習慣,所以呢本書上嘅文字,其實係Apple嘅「Think Different」廣告。

8)呢條友啲鬍點解可以剃到蝙蝠咁?唔通佢真正身分係Batman?

9)個人就冇見過雪人會戴頂咁有中國特色嘅圓帽仔?會唔會搞錯咗啲嘢?

10)有個emoji喺個emoji上面,睇唔睇到?

 

11)原來呢個手勢唔係代表「唔該」或「祈禱」,而係日本嘅道歉手勢。死啦!我之前咪日日都同人道歉囉!

12)我想問Kate係邊個呢?點解要dear佢?

 

13)原來呢對眼係混血兒嚟嗰喎!因為係綠色㗎!

14)我有理由相信呢個鐘係壞嘅,因為呢個時間係「不可能」出現!

15)鬼馬啦!原來呢度有個中指emojis。

16)唔好誤會呢間屋係玩音樂,實際上,佢係「郵政號角」係1間郵局嚟㗎!

關鍵詞
Emoji

There is 1 comment

Add yours
  1. 新Monday / 15樣估佢唔到咁都有emoji生活品 屎屎最打耳! - 新Monday

    […] emoji有幾親切有幾貼身,真係去到「入晒血」嘅地步,前排重推出埋負面版添,玩法陸續更新!我哋每日都會見到佢哋,基本上重多過見fd同見老豆老母,確實入晒屋!既然咁親切,咁又點可以只係喺手電上見到佢地呢?自從有emoji以嚟,唔少品牌又或者DIY artists都會用emoji嚟創作、出品,我知我知,衫褲backpack你見過晒啦嘛!咁以下呢15樣,你又有無諗過:「emoji咁玩都得?」 […]


Comments are closed.