【健吾】慘案與苦主
我：「哦？都係嘅。不過都冇計㗎啦。而家喺香港，你估真係會幫消費者咩？你唔做番個消費者俾人消費，你咪好彩囉。」
健：「都係嘅。好似好多行家，而家冇嘢做呀。」
我：「有咩所謂吖，有好多女人咁有錢。你估真係想做運動咩？都係想俾個男人摸下之嘛。」
健：「……」
我：「你唔好話你冇做過呢啲囉。我唔信囉。」
健：「我冇……我真係冇（斜眼45°向上望，眼泛淚光）」
＊ ＊ ＊ ＊ ＊
健身中心是香港重要的維穩基地。聽說，醫學美容醫生Ｔ君就是在Ｃ記的健身室認識他丈夫的。他還教路：「2000年代嗰陣之嘛。你呢，要日日同一個時間去，扮撞到先得㗎。哈哈哈，哈哈哈，哈哈哈……」笑起來甜得像莎莉的旋風蛋糕。
另1個朋友，在大銀行當中層管理人員的Ｏ先生就說：「哎吔，最近啲WhatsApp group真係風聲鶴唳呀。呢個就話嗰個係Cali難民，搞到Pure好似星期日飲茶等位咁多人，嗰個就話我哋而家被人呃都好慘。再唔係呢，就日日喺度打卡話唔捨得，#我們都是上Cali堂長大的。喂，阿哥，真係黐線㗎。而家你哋被人呃呀，重好似好掛住好唔捨得咁。你話香港人係咪黐＿線㗎？」
唔……這一點，我也不明白。明明是商業糾紛，付款買服務的人得不到他們期望的服務，理應是很不高興才對。但我過去的幾個星期都看到不少人依依不捨，彷彿在道別1個老朋友一樣。對搞死這個老朋友的人，他們都好像不太恨。
「不過呢，我有個朋友就慘啲。」Ｏ先生說：「佢呀，明明之前喺Cali做嘅，嗰陣喺更衣室shower room呢，都含過唔少㗎喇。含到好似個個都熟口熟面，含過晒，咪轉場囉。俾咗Pure月費3個月，都貴幾倍㗎嘛。點知尋日，喺Pure，見番晒以前啲老＿……你話佢係咪慘吖？真係蝕晒呀。」
哈哈哈哈哈哈哈，提醒大家一句，以上故事，乃朋友口供。在健身中心，除了健身運動，不應該做其他愛的運動。
text-健吾
