睇英超送電視 有冇魔鬼細節？

佢哋英超月費本身都係百幾蚊一個月，而家仲要送埋電視，邊有咁著數？阿叔見慣世面，一於用阿叔粒精明眼同大家睇清睇楚！究竟要唔要買埋其他台，定係有濕勁條款，搞到難cut過有條線嗰個台？

text-Winky photo-網上圖片

1. 真係一出plan就有電視送？

注意！唔係出plan就有電視送，記得只限４月１４日先有！兩款不同收費你要知！以36個月計劃為例，分別有原價$4,732 及414即日限定價$5,070，後者加$200幾蚊有超級電視送，睇落都有著數嘅。

再換個角度計，扣除超級電視原價，同埋$99超級影視會員月費，每月$49左右就有英超睇，自己諗下啱唔啱心水:http://bit.ly/23u4xhq

2. 係咪一定買到？

唔係。暫時官方公佈，得４月１４日十二點開始網上預購先有送電視優惠，搶購呢啲嘢timing好緊要，遲咗入手隨時得返原本淨英超價，有心買就準時捕實啦。

3. 最少要簽幾耐約？

留意返個計劃係一次性收費，因為預購係要網上付款，冇約要簽，買幾耐就睇幾耐。係就係一次過畀舊錢出嚟，但起碼唔會自動同你續約，唔駛驚日後cut唔到！而且冇其他額外收費（e.g. 安裝費，行政費），都叫明碼實價。

4. 之後唔睇駛唔駛退機？

方丈份人好小氣？之前樂視盒子要放低按金先免費試玩一年，之後唔睇就要還機，但今次堅係成部送咗畀你，拎咗機唔會有手尾跟，淨係拎嚟打機睇電視都得，仲送兩年保養。

5.續Now不續Now？

母親的抉擇！Now收費組合繁多，針對想睇英超聯嘅忠實波迷，最平有呢個月費$168足球組合，包埋睇西甲、賽馬等，如果呢幾樣都啱睇，其實個價同樂視差唔多，但問題一簽最少要24個月，醒水都知今季雖然兩台聯播，但下年有冇就唔知。

樂視呢邊淨係計英超組合，每月除開相對較平。４月１４日買兩年以上服務，仲送埋40、43或55吋全高清電視，支援4K節目，淨係當買部機都抵。唔駛多講都知邊個抵簽啦！

睇番今次優惠唔算有魔鬼細節，仲比以前買英超更加明碼實價，只係買唔買到心儀plan就睇你F5 撳得夠唔夠快啦！同埋買咗之後官方話3-5個星期先送貨，不過為咗下季英超買嘅球迷都唔急啦。

有興趣記得當日準時上樂視商城搶啦！>>>http://bit.ly/23u4xhq