俠盜一號:星球大戰外傳 丹爺一碌齊眉棍掃白兵!

電影

廣告

俠盜一號:星球大戰外傳最新預告今朝喺香港Star Warsfb(www.facebook.com/starwarshongkong)釋出,今次主要介紹各位主角出場。最最最重要嘅,當然係有我哋宇宙最強丹爺出場啦!雖然佢只係出咗一個鏡頭,但已經大發神威,打出宇宙!

text-專題組

俠盜一號由影帝級人馬演出

雖然丹爺並非《俠盜一號》主角,而佢喺預告片裏面只有一個過鏡,但已經盡顯功架,一碌齊眉打到個白兵攤攤腰!據報丹爺飾演一位武功高強嘅宇宙武士,最後加入反抗軍,成為偷取死亡星(Death Star)藍圖嘅其中一員。

 

中國影帝姜文都有出現於預告片,角色未明,但應該都係反抗軍一員。

《俠盜一號》重有荷金像影帝Forest Whitaker參與,片中見到佢套盔甲勁厚重。

預告中重有一經典角色出場,佢就係參議員 Mon Mothma(下圖左),佢喺以往嘅《星戰》電影(圖右)同卡通都有出現過,當然係唔同演員飾演啦!

內容延讀:
《星球大戰》第8集8大預測!年輕版黑武士回歸?
必睇VIU TV焦點女:黃心美、袁澧林

黑武士會喺俠盜一號出場?

同所有《星戰》片一樣,《俠盜一號》嘅靈魂當然係奸角啦!盛傳片中將會出現Darth Vader,但預告片中就只見到由Ben Mendelsohn飾演嘅Imperial admiral,同埋一個類似Darth Sidious嘅背影?

【已讀不回】你以前唔係咁架!

當然唔少得男女主角,由Felicity Jones飾演嘅Jyn Erso,同Diego Luna飾演嘅反抗軍機師。Diego Luna有啲Han Solo反叛嘅氣質,但女主角…唔,可能佢演技好好呢?

《俠盜一號》個故仔係講反抗軍喺不同渠道搵嚟一班身懷絕技嘅勇士,走去帝國軍度偷取死亡星藍圖,已經預咗拍三部曲,照計就應該會有黑武士出場,但唔知會喺第幾集出現啫。