【公關Mabel】嫌我皮膚唔好,迫我日日吞X!

Blogger

廣告

【性與幻想 by Mabel】所謂「一白遮三醜」,哪有女生不想白白淨?當你經歷幾個月買1次幾千元full line護膚品,但面珠依舊有斑斑、鼻哥依然有黑頭、眼角飛露魚尾紋、膚色黃過黃疸……時,你便得拖着疲累身驅去鑽研外敷內服、雙管齊下之方法。

中學年代,我們吸收到兩種資訊:
• 精子有大量蛋白質
• 蛋白質對皮膚好好,女仔宜多服用
於是,同學們,尤其是男生,下意識都把它們炒成一碟 = 食X可以皮膚好!我真係好想講句:「溝埋一齊做瀨尿牛丸吖笨!」
對,青春期人人好奇,難免會想同另一半玩東玩西,玩得激一點。兩小無猜,閂埋房門玩得咩?唔玩得咩?咪開心見誠慢慢傾囉,愛你嘅一定會尊重同配合。可是,我發覺愈睇得多AV嘅男人,會愈期待盡情X喺女友個口入面;大概有種東西叫調教和征服感吧,這令他們用盡畢生精力去遊說女友墜入「精子圈套」!

Hard sell前度每日吞X
我某位前度跟拍拖3年的女友拉倒後便搭上了我,那時,他每天奚落我的皮膚不及他的ex白滑。起初,他逼迫我要用他ex用過的護膚品牌子,又說她1星期敷4次mask,命令我跟着敷。後來,他見我跟足步驟,皮膚都拍馬不及ex,於是再講:「其實ex會自願吞X,吞過幾次發覺皮膚明顯變靚咗,之後自己要求每日最少吞1次添!」年紀小小,有些關口總是衝不破,我寧死不屈。男友並沒放棄,每次上床趁我冇為意,便在臨X時突然抽上來,想X入我嘴巴。精液有多腥?有多臭?有多令人起雞皮?你們這群男丁個個星期射,卻沒膽服用一下,只懂張開喉嚨叫女友吞啦、食啦……或者「最多含住唔吞吖」……黐線㗎!

內容延讀:

ROLEX新手上車 10大必要注意事項

$180冬褸!美華氏×新Monday大減價限定

吞大量X才可美白
精子的成分95%是水,其他是脂肪球、蛋白質、酵素、礦物質、維他命、澱粉體、果糖、結晶體等等。即使精子的礦物質、維他命、酵素等等,對於肌膚很好,但以每次射精的精液量只有3至5cc來說,恐怕無法產生美容效果。再講,喝下或吃下的東西要由食道、胃等消化道經過血液吸收及代謝,最後才能製成皮膚內的有效成分。所以,如果要靠食X令皮膚好,我肯定沒半位男士有能力餵飽你的皮膚!

吞X可減患癌症機會
1項刊登在《新科學人》的研究顯示,經常接觸精液的女性極少會患妊娠毒血症,它是女性懷孕前可能遇到的1種危險的血壓升高綜合症。而且,精子還帶有1種叫做轉化生長因子-β的物質,它可以提高女性體內殺手細胞的活性──這些殺手細胞能殺死致癌的壞細胞。
維基百科解讀飲X

做女人,即使波大都要有腦,唔好咁易被啲賤男欺負。如果你男友都有迫你吞X呢個癖好,不妨叫佢射啲出嚟,每人一口,「you吞,I吞」!

text – Mabel photo – 網上圖片
MT Mabel’s profile

公關1名,關公面口,自認是Black Face Production的director。對於性,一直覺得幻想遠比真實更能有高潮。所以,唔係個個男人都容易埋到佢身。

facebook專頁:MT Mabel