《Twins LOL Live in HK演唱會》Show後症候群 即睇5大治癒位(有片)

《Twins LOL Live in HK演唱會》Show後症候群 即睇5大治癒位(有片)

Twins公布要開演唱會,身邊有人話:「咪又係唱到走晒音,跳舞甩晒beat!」同時亦有人表示:「一定要睇,童年回憶喎!」雖然反應很兩極,但愈近開show,就愈多人打電話來說:「重有冇機會買到Twins的飛?」買不到飛,入不到場的人,後悔了吧?你絕對值得後悔,因為連一心只陪朋友/伴侶入場的人看完之後,都無一不話:「又真係首首歌都識唱,唔會唔好睇嘅!」

利申,筆者即使是Twins的fans,都不禁講句:「Twins的演唱會,真係買少見少。」以後的事,who knows?後悔的人,等出碟吧!至於入場high完的朋友,如果腦海中不時浮現她們的歌曲,證明你已患上常見的「演唱會後症候群」,不如看一看以下5大演唱會感動位,回味一番之後,絕對有治癒功效!

text-aMan(ig:amanachiu) photo-joel

open_resize

萬人合唱演唱會

有不少人認為今次Twins演唱會,孖妹會講不少舊史,畢竟出道15年,對於8、90後的港人來說,是童年回憶,亦是共鳴,即使筆者50後的雙親,30後的祖母,都懂她們的歌……可惜,舊史、舊相也沒有重提太多,但舊歌就當然是一首接一首出現。屬於我們童年回憶的〈明愛暗戀補習社〉、〈風箏與風〉、〈愛情當入樽〉、〈女人味〉、〈多謝失戀〉、〈眼紅紅〉、〈戀愛大過天〉等當然唔少得,因為首首都充滿回憶,紅館內的過萬fans更是每首歌都可以來個萬人大合唱,阿Sa忍不住分享:「我上網睇到留言,有人話未試過睇演唱會好似唱完1晚K咁攰,把聲都沙晒!」尾場更超時唱到凌晨12點多,連老闆楊受成都睇到完場才離開,其好姊妹容祖兒更是high到完場!

YOU MAY ALSO LIKE ...