【LightOness】愛上山，愛上越野跑
近年行山都成為大熱運動，正在看這篇文章的你是否都愛上這項運動呢？而我已經深深愛上，亦同時染上嚴重行山腳癮。
自從染上腳癮，我的生活起了好大變化，每逢放假前好好安排自己去行那個山頭好呢？經過買行山用品店，好自然入去！
又把身邊朋友、家人，同事慢慢感染起來，一齊去行山，總之生活離不開山系事物。過去一年就不停去踏足同攀爬不同的山！
山上跑同路跑感覺不同，山上有靚景就一定吧，重點是山路不同變化，尤其天氣因素，都會影響山路地勢，所以每次跑山都會不同新鮮比到跑手。
內容延讀：
我自己一早定下目標於十一月參加樂施會毅行者，挑戰麥理浩徑100km，另外我也參加圖騰57km以作毅行者前哨戰，於越野跑界上我是一個新手，所以於圖騰賽事玩二人組，另一位拍擋都是有越野賽經驗之人，可以帶著我練習，務求短時間內可以有足夠訓練去比賽。
新手的我，七月開始每星期都有一次上山操練，經過三個月多努力，終於可以於十月十七日圖騰show off自己實力，亦都想可以得到不錯成績，剛開始我心情的確緊張又興奮，與隊友一齊山上跑，你追我趕，感覺真爽。
我自己狀態都不錯，麥理浩徑三至四段打破自己紀錄以五小時完成，當時都覺得自己好厲害，到五段時隊友小腿有抽筋現象出發，需要時間休息同按摩，為了要兩個人共同到最後，之前所set目標都已經不太重要！最緊要一齊撐落去！完成賽事！
筆架山check point 長休後，再繼續上路，隊友帶著小腿抽筋上針山，有時候需要停下休息同按摩，大家互相鼓勵終於上到針山山頂，剛好正正太陽落山時候，日落上針山真係別有風味呀！景色超靚，橙紅色天空下，大家辛苦感覺都比個日落景蓋過！
係鉛礦坳補給完，天已黑，帶著頭燈繼續上八段，就到終點，我們為大家打氣頂埋去呀！隊友都不停為自己肌肉打氣，少點意志力都唔得，由五至八段係抽筋情況下又上又落真係挑戰人體極限！不得不佩服我的隊友！
最後我們成績以12:23:42完成57km山賽，並於混合二人組得到第四名，雖然與三甲無緣，以我新手來說已經算不錯成績，過程中都好享受同難忘，尤其我隊友感受更深。
前哨戰完結後，即將來到星期五20號又展開漫長又極具挑戰性毅行者，相信大家都已經預備好自己裝備，支援隊伍，最重要帶著圑結精神！以毅行者精神要四人八腿一條心去完成100km，預祝各位毅行者順利完成！
